மார்ச் 14, 2025ல் முழு சந்திர கிரகணம்.. பிளட் மூன்.. இதன் சிறப்பு என்ன?

Blood Moon 2025: 2025ஆம் ஆண்டின் முதல் சந்திர கிரகணம் மார்ச் 14ல் தோன்ற உள்ள நிலையில் அது பிளட் மூன் எனப்படும் சிவப்பு நிற நிலவாகவும் தோன்றும் என்று விஞ்ஞானிகள் தெரிவித்துள்ளனர்.

பிளட் மூன்

BySaranya JK

Published on: February 28, 2025 at 11:52 am

கடந்த 2022 ஆம் ஆண்டு பிரமிப்பை ஏற்படுத்தும் பிளட் மூன் என்னும் சிவப்பு நிறத்தில் தோற்றமளிக்கும் முழு சந்திர கிரகணம் நடைபெற்றது.

மீண்டும் 3 ஆண்டுகளுக்குப் பிறகு வருகிற மார்ச் 14, 2025 அன்று முழு சந்திர கிரகணம் தோன்ற உள்ளது. பிரமிப்பை ஏற்படுத்தும் வகையில் தோன்றும் இந்த பிளட் மூன் சந்திர கிரகணம் ஆனது 65 நிமிடங்களுக்கும் மேலாக நீடிக்கும் என்று கூறப்படுகிறது.

இருப்பினும் இதை உலகின் எல்லா பகுதிகளிலும் இருந்தும் காண இயலாது. இது அமெரிக்காவின் வடக்கு மற்றும் தென்பகுதிகளில் உள்ளவர்களால் மட்டுமே காண இயலும். இதனால் இந்தியாவிலும் இந்த முழு சந்திர கிரகணத்தை நேரடியாக பார்க்க முடியாது. ஆனால் சமூக ஊடகங்கள் மூலமாக நேரடி ஒளிபரப்புகள் மூலம் காணலாம்.

பிளட் மூன் தோன்றக் காரணம்

விஞ்ஞானிகள் இந்த சிவப்ப நிலவு தோன்றுவதற்கான விளக்கத்தை அளித்துள்ளனர். பூமி சூரியனுக்கும் சந்திரனுக்கும் இடையில் நேரடியாக வரும்போது இந்த ரெட் மூன் தோன்றுகிறது. இது ரேலி சிதறல் எனப்படும் குறுகிய அலை நீலம் ஒளி சிதறளிக்கப்படுவதால் நீண்ட அலை நீளம் கொண்ட சிவப்பு ஒளி பூமியின் வளிமண்டலத்தின் மீது சென்று சந்திரனை சிவப்பு நிறத்தில் காட்டுவதாக விளக்கமளித்துள்ளனர்.

மேலும் இது வளிமண்டல மாற்றங்கள் மற்றும் ஒளி மாசுபாடு போன்றவற்றின் காரணமாவும் சிவப்பு ஆரஞ்சு அல்லது செம்பு நிறத்தில் தோன்றலாம் என்றும் தெரிவித்துள்ளனர்.

இதையும் படிங்க இஸ்ரேல் கூட நெருங்கவில்லை.. சப்தமில்லாமல் சாதித்த இஸ்ரோ.. ஸ்பேடெக்ஸ் என்ன?