திருநெல்வேலியில் சிறுமியை பாலியல் வன்கொடுமை செய்த இளைஞருக்கு 20 ஆண்டுகள் சிறைத் தண்டனை விதிக்கப்பட்டுள்ளது.
திருநெல்வேலியில் சிறுமியை பாலியல் வன்கொடுமை செய்த இளைஞருக்கு 20 ஆண்டுகள் சிறைத் தண்டனை விதிக்கப்பட்டுள்ளது.
Published on: June 5, 2025 at 10:02 pm
திருநெல்வேலி, ஜூன் 5 2025: திருநெல்வேலியில் 10ஆம் வகுப்பு பயின்ற மாணவியை பாலியல் வன்கொடுமை செய்த வழக்கில் இளைஞர் வேலாயுதம் என்பவருக்கு 20 ஆண்டுகள் சிறைத் தண்டனை விதிக்கப்பட்டுள்ளது.
இந்த வழக்கு திருநெல்வேலி சிறப்பு நீதிமன்றத்தில் நடந்தது. வழக்கை நீதிபதி சுரேஷ் குமார் என்பவர் விசாரித்தார். இந்த வழக்கில் அரசின் சார்பில் வழக்கறிஞர் உஷா ஆஜரானார்.
வழக்கில் இரு தரப்பு வாதங்களையும் கேட்ட நீதிபதி, இளைஞர் வேலாயுதம் குற்றவாளி எனத் தீர்ப்பளித்து அவருக்கு 20 ஆண்டுகள் சிறைத் தண்டனை விதித்தார். மேலும், ரூ.1000 அபராதமும் விதித்து தனது தீர்ப்பில் நீதிபதி உத்தரவிட்டிருந்தார்.
பாலியல் வன்கொடுமை; நடந்தது என்ன?
திருநெல்வேலி மாவட்டம் முன்னீர்பள்ளம் காவல் நிலைய எல்லைக்குள்பட்ட பகுதியில் 10ஆம் வகுப்பு பயிலும் மாணவி ஒருவர் தனது தாய்- தந்தையருடன் வசித்து வருகிறார். இந்த நிலையில் சம்பவத்தன்று மாணவியின் தாயார் கூலி வேலைக்கு சென்றுவிட்டனர். மாணவி தனியாக இருப்பதை நோட்டமிட்ட இளைஞர் வேலாயுதம், அவரை பாலியல் வன்கொடுமை செய்துள்ளார்.
மேலும், தான் விரும்பும் போதெல்லாம் ஆசைக்கு இணங்க வேண்டும் என்றும் இல்லாவிட்டால் கொன்று விடுவதாகவும் மிரட்டியுள்ளார். இதனால் பயந்து போன சிறுமி நடந்த சம்பவம் குறித்து யாரிடமும் சொல்லவில்லை.
இந்த நிலையில் பாலியல் வன்கொடுமையில் மாணவி கர்ப்பம் தரித்தார். இது குறித்து மாணவியிடம் அவரது பெற்றோர் விசாரிக்கையில் இந்தத் திடுக்கிடும் தகவல்கள் வெளிவந்தன. இதனால் அதிர்ச்சி அடைந்த பெற்றோர், நடந்த விஷயம் குறித்து முன்னீர்பள்ளம் காவல் நிலையத்தில் புகார் அளித்தனர். இந்தப் புகாரின் அடிப்படையில் போலீசார் வழக்குப்பதிவு செய்து இளைஞர் வேலாயுதத்தை கைது செய்தனர்.
பின்னர் அவர் சேலம் சிறையில் அடைக்கப்பட்டனர். இந்த நிலையில் நீதிபதி தீர்ப்பளிக்கையில் அவர் திருநெல்வேலி போக்சோ நீதிமன்றத்தில் ஆஜர்படுத்தப்பட்டார். பாலியல் வன்கொடுமை வழக்கில் அவருக்கு 20 ஆண்டுகள் சிறைத் தண்டனை விதிக்கப்பட்டுள்ளது குறிப்பிடத்தக்கது.
இதையும் படிங்க
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com