விஜயை விமர்சித்த திருமாவளவன்; ஏ.சி அரசியல்வாதி என்கிறார்!

Thol Thirumavalavan: நடிகரும், த.வெ.க தலைவருமான விஜய்யை ஏ.சி அரசியல்வாதி என விடுதலை சிறுத்தைகள் கட்சித் தலைவர் தொல். திருமாவளவன் விமர்சித்துள்ளார்.

தொல். திருமாவளவன், நடிகர் விஜய்

VCK Party leader Thol Thirumavalavan has criticized actor Vijay as a luxury politician

BySaranya JK

Published on: May 6, 2025 at 3:10 pm

சென்னை, மே 6 2025: தி.மு.க. கூட்டணியில் அங்கம் வகிக்கும் விடுதலை சிறுத்தைகள் கட்சித் தலைவர் தொல். திருமாவளவன், விஜய்யை விமர்சித்துள்ளார். தொல். திருமாவளவன் தனது விமர்சனத்தில் நடிகர் விஜய்யை, ஏ.சி.யில் வசிக்கும் அரசியல்வாதி என்றார்.

தொடர்ந்து பேசிய தொல். திருமாவளவன், “விடுதலை சிறுத்தைகள் ஏ.சி.யில் இருந்து கொண்டு அரசியல் செய்பவர்கள் அல்ல; சிலர் வீட்டில் ஏசி., காரில் ஏசி., ரெஸ்டாரென்ட் போனால் அங்கேயும் ஏ.சி என அரசியல் செய்கின்றனர். இவர்கள், கைகளை மட்டும் காண்பித்து விட்டு மீண்டும் ஏ.சி.யில் போய் அமர்ந்து கொள்கிறார்கள். அப்படியொரு அரசியலை விடுதலை சிறுத்தைகள் கட்சி செய்வது அல்ல” என்றார்.

தமிழ்நாட்டில் மும்முனை போட்டி

2026 சட்டமன்ற தேர்தலில் தமிழ்நாட்டில் மும்முனை போட்டி ஏற்பட்டுள்ளது. தி.மு.க. காங்கிரஸ் கூட்டணியில் வி.சி.க அங்கம் வகிக்கிறது. அ.தி.மு.க. பா.ஜ.க கூட்டணி தற்போது எதிர்க்கட்சி வரிசையில் உள்ளது. இதற்கிடையில் நடிகர் விஜய்யின் த.வெ.க 3வது அணியாக களம் காணும் என எதிர்பார்க்கப்படுகிறது.

இதையும் படிங்க : சென்னையில் 4 இடங்களில் பாதுகாப்பு ஒத்திகை; எந்தெந்த இடங்கள் தெரியுமா?