அ.தி.மு.க, பா.ஜ.க கூட்டணியில் ஓ.பி.எஸ்; நயினார் நாகேந்திரன்

O Panneerselvam is part of NDA: அ.தி.மு.க. மற்றும் பாரதிய ஜனதா இடையேயான தேசிய ஜனநாயக கூட்டணியில் ஒ.பன்னீர் செல்வம் இருக்கிறார் என பா.ஜ.க மாநிலத் தலைவர் நயினார் நாகேந்திரன் எம்.எல்.ஏ தெரிவித்துள்ளார்.

நயினார் நாகேந்திரன் எம்.எல்.ஏ

ByPushpa Gopinath

Published on: May 16, 2025 at 10:59 pm

Updated on: May 16, 2025 at 11:01 pm

மதுரை, மே 16 2025: தேசிய ஜனநாயக கூட்டணியில் ஓ.பன்னீர் செல்வம் இருக்கிறார் என உறுதியாக தெரிவித்துள்ளார் தமிழ்நாடு பாரதிய ஜனதா கட்சியின் மாநிலத் தலைவர் நயினார் நாகேந்திரன்.
மதுரையில் செய்தியாளர்களை சந்தித்த அவர் இதனைத் தெரிவித்தார். முன்னாள் முதலமைச்சர் ஓ. பன்னீர் செல்வம் அ.தி.மு.க.வில் இருந்து நீக்கப்பட்டவர் ஆவார்.

முன்னதாக ஓ. பன்னீர் செல்வம் அளித்த பேட்டியில், நான் தேசிய ஜனநாயக கூட்டணியில் தொடர்கிறேன். உள்துறை அமைச்சர் அமித் ஷா சென்னைக்கு வந்த போது எனக்கு அழைப்பு விடுக்கப்படவில்லை என்றார்.
மேலும் இது தமக்கு வருத்தத்தை கொடுத்தது என்றும் ஓ.பன்னீர் செல்வம் கூறியிருந்தார். இந்த நிலையில், நயினார் நாகேந்திரன் தேசிய ஜனநாயக கூட்டணியில் ஓ.பன்னீர் செல்வம் இருக்கிறார் எனத் தெரிவித்துள்ளார்.

அதிமுக பாஜக கூட்டணி

கடந்த சில மாதங்களுக்கு முன்பு, அதிமுக, பாஜக இடையே கூட்டணி உடன்பாடுகள் எட்டப்பட்டன. முன்னதாக தமிழ்நாடு பாரதிய ஜனதா கட்சியின் தலைவர் கு. அண்ணாமலை மாற்றப்பட்டார்.
அவருக்குப் பதிலாக நயினார் நாகேந்திரன் தலைவராக நியமிக்கப்பட்டார். இந்நிலையில், ஓ. பன்னீர் செல்வம் தாம் இன்னமும் தேசிய ஜனநாயக கூட்டணியில்தான் இருக்கிறேன் எனக் கூறினார்.

முன்னதாக அதிமுகவின் ஒருங்கிணைப்பாளரகளாக ஓ.பன்னீர் செல்வமும், எடப்பாடி பழனிசாமியுடம் செயல்பட்டனர். இந்நிலையில் இருவருக்குள் பிளவு ஏற்பட்ட நிலையில், ஓ. பன்னீர் செல்வம் கட்சியில் இருந்து நீக்கப்பட்டார் என்பது குறிப்பிடத்தக்கது.

இதையும் படிங்க : கடலூரில் தொழிற்சாலையின் டேங்க் வெடிப்பு; இழப்பீடு வழங்க அன்புமணி வலியுறுத்தல்!