கொள்கையில் உறுதி.. தி.மு.க. கூட்டணி தொடரும்.. தொல். திருமாவளவன்

VCK – DMK alliance: தி.மு.க. உடன் கூட்டணி தொடரும் என விடுதலை சிறுத்தைகள் கட்சித் தலைவர் தொல். திருமாவளவன் தெரிவித்துள்ளார்.

மு.க. ஸ்டாலின் உடன் திருமாவளவன்

BySaranya JK

Published on: September 25, 2025 at 2:23 pm

Updated on: September 25, 2025 at 2:24 pm

சென்னை, செப்.25, 2025: “கொண்ட கொள்கையில் நாங்கள் உறுதியாக இருக்கிறோம் என்ற தொல். திருமாவளவன், “தி.மு.க. உடன் கூட்டணி தொடரும்” என்றும் கூறினார்.

2026ல் திமுக வெல்லும்
இது குறித்து பேசிய தொல். திருமாவளவன் எம்.பி., “2026 சட்டமன்ற தேர்தலில் தி.மு.க கூட்டணி வெல்லும். எத்தனை நபர்களை இறக்கினாலும் தி.மு.க. வெற்றியை தடுக்க முடியாது” என்றார்.

தி.மு.க கூட்டணி ஏன்?

தொடர்ந்து தி.மு.க. கூட்டணியில் தொடர்வது குறித்து விளக்கம் அளித்த தொல். திருமாவளவன், “எடுத்துக்கொண்ட கொள்கையில் உறுதியாக இருப்பதால் திமுக கூட்டணியில் நீடிக்கிறோம்“ என்றார்.
திமுக கூட்டணியில் காங்கிரஸ், வி.சி.க, கம்யூனிஸ்ட்கள் உள்பட பல்வேறு கட்சிகள் உள்ளன.
அதிமுக கூட்டணியில் பா.ஜ.க உள்ளது. பா.ம.க, தே.மு.தி.க உள்ளிட்ட பல்வேறு கட்சிகள் தேர்தல் நேரத்தில் தங்களது கூட்டணி நிலைப்பாட்டை அறிவிக்கும் எனத் தெரிகிறது.

நடிகர் விஜய்யின் தமிழக வெற்றிக் கழகம் மற்றும் நாம் தமிழர் கட்சியும் 2026 தேர்தல் களத்தில் உள்ளன. இதில், நாம் தமிழர் ஏற்கனவே தனித்துப் போட்டி என அறிவித்துவிட்டது.

இதையும் படிங்க : அன்புமணி பதவி செல்லாது; கூட்டணி பேச்சு ராமதாஸுக்கு அதிகாரம்.. ஜி.கே மணி