திமுக கூட்டணியில் 10 தொகுதிகள் கேட்கிறதா விசிக? பரபரப்பு தகவல்கள்!

Assembly Election 2026: 2026 சட்டமன்றத் தேர்தலில் திமுக கூட்டணியில் விடுதலைச் சிறுத்தைகள் கட்சி 10 தொகுதிகள் வரை கேட்பதாக தகவல் வெளியாகியுள்ளது.

திமுக தலைவர் மு க ஸ்டாலின், தொல். திருமாவளவன் எம்பி

ByJayakrishnan R

Published on: March 18, 2026 at 2:20 pm

சென்னை மார்ச் 18 2026; திமுக கூட்டணியில் தொல் திருமாவளவன் தலைமையிலான விடுதலைச் சிறுத்தைகள் கட்சி 10 சீட்டுகள் வரை கேட்பதாக தகவல்கள் வெளியாகி உள்ளன. தமிழ்நாட்டில் 2026 சட்டமன்ற பொது தேர்தலில் வாக்குப்பதிவு ஏப்ரல் மாதம் 23ஆம் தேதி நடைபெறுகிறது; எந்த தேர்தலில் பதிவான வாக்குகள் மே மாதம் இரண்டாம் தேதி எண்ணப்பட்டு அன்றைய தினமே முடிவுகள் அறிவிக்கப்பட உள்ளன.

இந்த நிலையில் திமுக கூட்டணியில் காங்கிரஸ் கட்சிக்கு தற்போது 28 தொகுதிகள் ஒதுக்கீடு செய்யப்பட்டுள்ளன; அதேபோல் இந்திய கம்யூனிஸ்ட் கட்சிக்கு ஐந்து தொகுதிகள் வரை ஒதுக்கீடு செய்யப்பட்டுள்ளன. வைகோவின் மதிமுக கட்சிக்கு நான்கு தொகுதிகள் ஒதுக்கீடு செய்யப்பட்டுள்ளன.

இந்த நான்கு தொகுதிகளில் ஒரு தொகுதியில் மட்டுமே மதிமுக தனி சின்னத்தில் போட்டியிடுகிறது; மீதமுள்ள மூன்று தொகுதிகளிலும், திமுக சின்னத்திலேயே மதிமுக போட்டியிடுகிறது.
இந்த நிலையில் திமுக கூட்டணியில் விடுதலைச் சிறுத்தைகள் கட்சி 10 தொகுதிகள் வரை கேட்பதாக கூறப்படுகிறது; இதற்கு திமுக தரப்பில் ஆட்சேபம் எழுந்துள்ள நிலையில், ஆறு முதல் எட்டு தொகுதிகள் வரை, கொடுக்க முன்வந்திருப்பதாகவும் கூறப்படுகிறது.

இதையும் படிங்க; புதுச்சேரியில் தி.மு.க. வேட்புமனு தாக்கல்.. காங்கிரஸ் அதிர்ச்சி!