தமிழ்நாட்டில் தென்மேற்கு பருவமழை எப்போது? சென்னை வானிலை ஆய்வு மையம் அறிக்கை!

Southwest monsoon Tamil Nadu : தமிழ்நாட்டில் தென்மேற்கு பருவமழை ஜுன் 8ஆம் தேதி முதல் தொடங்குகிறது என அறிவிக்கப்பட்டுள்ளது.

தமிழ்நாட்டில் தென்மேற்கு பருவமழை

ByPushpa Gopinath

Published on: June 5, 2026 at 9:51 am

சென்னை, ஜுன் 4, 2026: சென்னை நகரில் ஜூன் 5ஆம் தேதி வெப்பநிலை 38 டிகிரி செல்சியஸ் வரை உயரும் என வானிலை ஆய்வு மையம் தெரிவித்துள்ளது. இந்நிலையில், தென்மேற்கு பருவமழை தமிழ்நாட்டில் நுழைய உள்ளது. இந்த பருவமழை தொடங்கியதால், மாநிலம் முழுவதும் மழை வாய்ப்பு அதிகரித்துள்ளது.

இந்த நிலையில், தமிழ்நாடு, புதுச்சேரி மற்றும் காரைக்கால் பகுதிகளில் ஜூன் 8ஆம் தேதி வரை இடியுடன் கூடிய லேசானது முதல் மிதமான மழை பெய்யும் என வானிலை ஆய்வு மையம் கணித்துள்ளது. மேலும், மின்னல், இடியுடன் கூடிய காற்று 40 முதல் 50 கிலோமீட்டர் வேகத்தில் வீசும் வாய்ப்பு இருப்பதாகவும் எச்சரிக்கை விடுக்கப்பட்டுள்ளது.

இதற்கிடையில், சென்னையில் வெப்பநிலை அதிகரித்தாலும், பருவமழை காரணமாக சில பகுதிகளில் மழை பெய்யும் வாய்ப்பு உள்ளது. இதனால், மக்கள் வெப்பத்தையும் மழையையும் ஒரே நேரத்தில் எதிர்கொள்ள வேண்டிய நிலை உருவாகியுள்ளது.

தொடர்ந்து, வானிலை ஆய்வு மையம், மக்கள் எச்சரிக்கையுடன் இருக்க வேண்டும் என்றும், மழை மற்றும் பலத்த காற்று காரணமாக ஏற்படும் சிரமங்களை தவிர்க்க தேவையான முன்னெச்சரிக்கை நடவடிக்கைகளை மேற்கொள்ள வேண்டும் என்றும் அறிவுறுத்தியுள்ளது.

இதையும் படிங்க : சொல்லி அடித்த கில்லி.. ராஜ்யசபா செல்லும் பிரவீன் சக்ரவர்த்தி.. யார் இவர்?