சாட்டை youtube சேனல்.. சீமான் பரபரப்பு அறிக்கை..!

Sattai YouTube Channel: நாம் தமிழர் கட்சிக்கும் சாட்டை youtube சேனலுக்கும் தொடர்பு இல்லை என கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

சாட்டை துரைமுருகன், செந்தமிழன் சீமான்

Seeman says no connection between sattai YouTube channel and the NTK party

BySaranya JK

Published on: April 15, 2025 at 9:36 pm

சென்னை ஏப்ரல் 15 2025: நாம் தமிழர் கட்சியை சேர்ந்த சாட்டை துரைமுருகன் என்பவர் சாட்டை என்ற youtube தளத்தை நடத்தி வருகிறார். இந்த யூடியூப் சேனலுக்கும், நாம் தமிழர் கட்சிக்கும் தொடர்பு இல்லை என அக்கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

இது தொடர்பாக ட்விட்டர் எக்ஸ் தளத்தில் சாட்டை துரைமுருகன், நாம் தமிழர் கட்சியின் தலைமை ஒருங்கிணைப்பாளர் சீமான் வெளியிட்டுள்ள ஏப்ரல் 15 2025 தேதியிட்ட அறிக்கை ஒன்றை பகிர்ந்துள்ளார்.
அந்த அறிக்கையில், ” திருச்சி துரைமுருகன் நடத்தும் சாட்டை youtube சேனலுக்கும், நாம் தமிழர் கட்சிக்கும் எந்த தொடர்பும் இல்லை.

அதில் வருகின்ற கருத்துக்கள், செய்திகள் அனைத்தும் அவரது தனிப்பட்ட கருத்தாகும். அவற்றிற்கு எந்த வகையிலும் நாம் தமிழர் கட்சி பொறுப்பு ஏற்காது என்பதை இதன் மூலம் தெரிவித்துக் கொள்கிறோம்” என கூறப்பட்டு இருந்தது.

நாம் தமிழர் கட்சியை சேர்ந்த துரைமுருகன், அவ்வப்போது தனது சேனலில் சூடான பரபரப்பான செய்திகள் பற்றி பேசி வருகிறார். இந்த youtube சேனலை பல்லாயிரக்கணக்கானோர் பின் தொடர்ந்து வருகின்றனர் என்பது குறிப்பிடத்தக்கது.

இதையும் படிங்க; வக்ஃப் திருத்தச் சட்டத்துக்கு எதிர்ப்பு; நடிகர் விஜய் உச்ச நீதிமன்றத்தில் வழக்கு!