ரஜினியுடன் பேசியது என்ன; நான் சங்கியா? பாட்ஷா ஆக மாறிய சீமான்!

“ரஜினிகாந்த் உடன் அரசியல் பேசினேன்; நான் சங்கி என்றால் அவர்கள் சொங்கி” என தன் மீதான விமர்சனத்திற்கு சுடச்சுட பதில் அளித்துள்ளார் நாம் தமிழர் கட்சியின் தலைமை ஒருங்கிணைப்பாளர் சீமான்.

ரஜினியை சந்தித்த சீமான்

Seeman answered about what he talked to Rajinikanth about

ByDravidan Times Bureau

Published on: November 22, 2024 at 11:11 pm

Seeman met Rajini | நாம் தமிழர் கட்சியின் தலைமை ஒருங்கிணைப்பாளர் சீமான், சூப்பர் ஸ்டார் ரஜினிகாந்தை சந்தித்து பேசினார். இந்தச் சந்திப்பு அரசியல் வட்டாரத்தில் பரபரப்பான யூகங்களை கிளப்பி உள்ளது.
இந்த நிலையில் நாம் தமிழர் கட்சியின் தலைமை ஒருங்கிணைப்பாளர் சீமான் தனியார் செய்தி தொலைக்காட்சி ஒன்றுக்கு பிரத்தேக பேட்டி அளித்தார்.

அப்போது, ” அரசியல் என்பது வாழ்வியல். அது ரஜினிகாந்துக்கு தெரியும். நான் ரஜினிகாந்துடன் அரசியல் பேசினேன். அவருக்கு அரசியல் சரிப்பட்டு வராது. கடந்த சில மாதங்களுக்கு முன்பே ரஜினிகாந்தை சந்திக்க திட்டமிட்டு இருந்தேன். அப்போது அவர் பட வேலைகளில் சுறுசுறுப்பாக இருந்தார். நானும் அரசியல் பயணங்களில் இருந்தேன். இதனால் அந்தச் சந்திப்பு கைகூடவில்லை. இந்நிலையில் நான் அவரை சந்தித்துள்ளேன். நான் அவரிடம் அரசியல் தான் பேசினேன்” என்றார்.

தொடர்ந்து, “நீங்கள் பாரதிய ஜனதாவின் பி டீமா? சங்கி என திமுகவினர் கூறுகின்றனரே” என்ற கேள்விக்கு பதில் அளித்த சீமான், ” சங்கி என்றால் உற்ற தோழன்; நண்பன் என பொருள். சங் பரிவார அமைப்புகளை வைத்து இவ்வாறு சங்கி என கூறுகின்றனர்.

ரஜினிகாந்த் உடன் நான் என்ன பேசினேன் என்பதை என்னால் வெளிப்படையாக கூற முடிந்தது. நினைத்த நேரமெல்லாம் மு க ஸ்டாலின் பிரதமர் மோடியை சென்று சந்திக்கிறார். இருவரும் சம்பந்தி போல் நடந்து கொள்கின்றனர். அவர்கள் என்ன பேசினார்கள் என்பதை இவ்வாறு வெளிப்படையாக அவர்களால் பேச முடியுமா? நான் சங்கி என்றால் அவர்கள் சொங்கி” என்றார்.
சூப்பர் ஸ்டார் ரஜினிகாந்த் சீமான் சந்திப்பு தமிழக அரசியல் வட்டாரத்தில் பெரும் பரபரப்பை ஏற்படுத்தி உள்ளது என்பது குறிப்பிடத்தக்கது.

இதையும் படிங்க திருவண்ணாமலை கார்த்திகை தீப தரிசனம் ; ஆன்லைன் டிக்கெட் விநியோகம் எப்போது தெரியுமா?