ஊரக வேலை வாய்ப்பு திட்டம் குறித்து விவாதிக்க தயாரா? மு.க ஸ்டாலினுக்கு எல். முருகன் கேள்வி!

L Murugan: கிராமப்புற ஊரக வேலைவாய்ப்பு திட்டம் குறித்து விவாதிக்க தயாரா என மு க ஸ்டாலினுக்கு எல். முருகன் கேள்வி எழுப்பி உள்ளார்.

மு க ஸ்டாலின், L. முருகன்

ByPushpa Gopinath

Published on: January 3, 2026 at 11:50 am

சென்னை ஜனவரி 3, 2026; கிராமப்புற வேலை வாய்ப்பு உறுதி திட்டம் குறித்து விவாதிக்க தயாரா என தமிழக முதலமைச்சர் மு க ஸ்டாலினுக்கு மத்திய அமைச்சர் எல். முருகன் சவால் விடுத்துள்ளார். இத்தொடர்பாக பேசிய அவர், ” கிராமப்புற வேலைவாய்ப்பு உறுதித் திட்டத்தின் கீழ் தற்போது வேலை நாட்கள் 100 என்பதிலிருந்து 125 நாட்களாக உயர்த்தி வழங்கப்பட உள்ளது.

இந்த திட்டம் குறித்து பொய்யான அவதூறுகளை திமுக மக்கள் மத்தியில் பரப்பி வருகிறது; இத்திட்டத்தை மத்திய அரசு நிறுத்தப் போவதாக அவர்கள் பரப்புரையில் ஈடுபட்டு வருகின்றனர். இதில் உண்மை இல்லை; இந்த திட்டம் குறித்து என்னுடன் விவாதிக்க தமிழக முதலமைச்சர் மு க ஸ்டாலின் தயாரா? என கேள்வி எழுப்பி உள்ளார்.

மகாத்மா காந்தி தேசிய ஊரக வேலைவாய்ப்பு திட்டத்தின் பெயர் தற்போது விக்சித் பாரத் ஜி ராம் ஜி என பெயர் மாற்றம் செய்யப்பட்டுள்ளது. மேலும் இத்திட்டத்தின் கீழ் வழங்கப்பட்ட வேலை நாட்கள் 100-ல் இருந்து 125 நாட்களாக உயர்த்தவும் பட்டுள்ளது குறிப்பிடத்தக்கது.

இதையும் படிங்க; தமிழ்நாட்டில் அமைதிப் புரட்சி.. வீடுதோறும் விஜய் முழக்கம்.. ஜே.சி.டி பிரபாகர்!