எம்.எல்.ஏ அறை பூட்டை உடைக்க அமலாக்கத் துறைக்கு உரிமை உண்டா? கி. வீரமணி கேள்வி

K Veeramani: சட்டமன்ற உறுப்பினர் அறையின் பூட்டை உடைக்க அமலாக்கத் துறைக்கு உரிமை உண்டா எனக் கேள்வியெழுப்பியுள்ளார் திராவிட கழகத் தலைவர் கி. வீரமணி.

திராவிடர் கழகத் தலைவர் கி. வீரமணி

ByPushpa Gopinath

Published on: August 18, 2025 at 10:11 pm

சென்னை, ஆக.18 2025: திராவிடர் கழகத் தலைவர் ஆசிரியர் கி.வீரமணி இன்று (திங்கள்கிழமை), “எந்த அச்சுறுத்தல்களுக்கும் அஞ்சாது தந்தை பெரியார் கொள்கை அஸ்திவாரத்தில் அமைந்த தி.மு.க. ஆட்சி” என்ற தலைப்பில் அறிக்கை ஒன்றை வெளியிட்டுள்ளார்.
அதில், “சட்டமன்ற உறுப்பினர் அறையின் பூட்டை உடைக்க அமலாக்கத் துறைக்கு உரிமை உண்டா?” எனக் கேள்வியெழுப்பியுள்ளார்.

அதில், “சென்னையில் உள்ள சட்டமன்ற உறுப்பினர் விடுதிக்குள்ளே நுழைந்து, குறிப்பிட்ட சட்டமன்ற உறுப்பினர் அறையின் பூட்டை உடைத்துப் பரிசோதனை செய்தது தவறு; அப்படி செய்வதற்குச் சட்டப்பேரவைத் தலைவரின் அனுமதியைப் பெற்றிருக்கவேண்டாமா?” எனத் தெரிவித்துள்ளார்.
மேலும், “, பெரியார் மண்ணின் பெருமைக்குரிய கொள்கை அஸ்திவாரத்தில் அமைந்த கற்கோட்டையான தி.மு.க. ஆட்சியின் மக்கள் ஆதரவை அசைக்க முடியாது!

அவதூறுச் சேறுகளும், ஆதாரமில்லா அச்சுறுத்தல்களும் நாளும் ‘தி.மு.க.வின்’ வெற்றி விளைச்சலுக்கான உரங்கள், உரங்கள், உரங்கள் என்பதை அந்த ‘அரசியல் பிழைத்தோருக்கு’ 2026 இல் நடைபெறப் போகும் சட்டமன்றப் பொதுத் தேர்தலில் மக்கள் உணர்த்துவர் என்பது நிச்சயம்” எனவும் கூறியுள்ளார்.

இதையும் படிங்க : மதுரை தூய்மை பணியாளர்கள் போராட்டம்.. டி.டி.வி தினகரன் ஆதரவு