DMK Alliance Meet in Puducherry: புதுச்சேரியில் திமுக கூட்டணி கூட்டத்தில் கலந்து கொள்ள காங்கிரஸ் கட்சிக்கு அழைப்பு விடுக்கப்படவில்லை; அதே நேரம் மற்ற கூட்டணி கட்சிகளான விடுதலை சிறுத்தைகள் மற்றும் இடதுசாரிகளுக்கு அழைப்பு விடுக்கப்பட்டுள்ளது.
Published on: February 3, 2026 at 4:36 pm
புதுச்சேரி பிப்ரவரி 3, 2026; புதுச்சேரியில் நடைபெற்ற திமுக கூட்டணி கூட்டத்தில் காங்கிரஸ் கட்சிக்கு அழைப்பு விடுக்கப்படவில்லை என்ற தகவல் வெளியாகி உள்ளது; இது தொடர்பாக பேசிய காங்கிரஸ் கட்சியின் மூத்த தலைவரும், முன்னாள் முதலமைச்சருமான நாராயணசாமி, ” புதுச்சேரியில் திமுக கூட்டணி கட்சிகளின் தேர்தல் தொடர்பான ஆலோசனைக் கூட்டம் நடைபெறுகிறது; இந்தக் கூட்டத்தில் கலந்து கொள்ள காங்கிரஸ் கட்சிக்கு அழைப்பு விடுக்கப்படவில்லை” என்றார்.
புதுச்சேரியில் திமுக கூட்டணி கட்சிகளின் ஆலோசனைக் கூட்டம், திமுக கூட்டணி பொறுப்பாளர் ஜெகத்ரட்சகன் தலைமையில் இன்று நடைபெற்றது. இந்தக் கூட்டத்தில் கலந்து கொள்ள காங்கிரஸ் கட்சிக்கு அழைப்பு விடுக்கப்படவில்லை.
அதே நேரம் இக்கூட்டத்தில், தொல் திருமாவளவனின் விடுதலை சிறுத்தைகள் கட்சியும், மார்க்சிஸ்ட் மற்றும் இந்திய கம்யூனிஸ்ட் உள்ளிட்ட இடதுசாரி கட்சிகளும் கலந்து கொண்டன.
காங்கிரஸ் கட்சிக்கு அழைப்பு விடுக்கப்படாதது கூட்டணியில் பெரும் சலசலப்பை ஏற்படுத்தி உள்ளது. தமிழ்நாட்டிலும் காங்கிரஸ் திமுக கூட்டணியில் சலசலப்புகள் நிலவுவதாக அடிக்கடி செய்திகள் வெளியாகின்றன.
இந்த நிலையில் புதுச்சேரியிலும் திமுக காங்கிரஸ் கூட்டணியில் சலசலப்புகள் ஏற்பட்டுள்ளது தொண்டர்கள் இடையே பெரும் பரபரப்பை ஏற்படுத்தி உள்ளது.
புதுச்சேரி மற்றும் தமிழ்நாட்டைப் பொருத்தமட்டில் சட்டமன்றத் தேர்தல் வருகிற ஏப்ரல் அல்லது மே மாதத்தில் நடைபெற உள்ளது. தமிழ்நாட்டைப் பொருத்தமட்டில் அதிமுக, திமுக, நாம் தமிழர் மற்றும் விஜயின் தமிழக வெற்றிக்கழகம் என நான்கு முனைப்போட்டி ஏற்பட்டுள்ளது. தற்போதைய நிலவரப்படி காங்கிரஸ் திமுக கூட்டணியிலும் பாரதிய ஜனதா அதிமுக கூட்டணியிலும் அங்கம் வகிக்கிறது.
பாட்டாளி மக்கள் கட்சி ராமதாஸ் தரப்பு மற்றும் தேமுதிக உள்ளிட்ட கட்சிகள் இதுவரை எந்த அறிவிப்பையும் வெளியிடவில்லை; இதனால் தமிழக அரசியலில் பெரும் பரபரப்பு ஏற்பட்டுள்ளது.
இதையும் படிங்க; புழல்- தாம்பரம் சாலையில் ஆட்டோ ரேஸ்.. 3 ஆட்டோ, 3 பைக் பறிமுதல்.. 11பேரை தட்டித் தூக்கிய போலீஸ்
Dhurandhar box office record: தங்கல் உள்ளிட்ட பல்வேறு திரைப்படங்களின் சாதனையை துரந்தர் திரைப்படம் சப்தமின்றி முறியடித்துள்ளது….
Definition of Love: காதலின் வரையறை காலத்திற்கு ஏற்ப மாறிக்கொண்டே இருக்கும் என நடிகை மிருணாள் தாக்கூர் கூறியுள்ளார்….
O Romeo Film: மும்பையில் வெளியாகவிருக்கும் இந்தி திரைப்படமான ‘ ஓ ரோமியோ (O Romeo)’ சட்ட சிக்கலை எதிர்கொள்கிறது….
Grammy Awards 2026 full list of winners: 2026ஆம் ஆண்டிற்கான கிராமி விருது வென்றவர்கள் விவரம் வெளியாகியுள்ளது….
Rani Mukerji Motherhood and Career: நடிகை ராணி முகர்ஜி, தனது மகள் அதிரா பிறந்த பிறகு மீண்டும் வேலைக்கு திரும்பிய அனுபவத்தை பகிர்ந்துள்ளார்….
Border 2 worldwide box office collection Report: சன்னி தியோல், வருண் நடிப்பில் பார்டர் 2 திரைப்படம் திரையரங்குகளில் வெளியாகி வெற்றிகரமாக ஓடிவருகிறது….
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
