ஆழ்ந்த காற்றழுத்த தாழ்வு பகுதி ; ராமேஸ்வரம் மீனவர்கள் கடலுக்கு செல்ல தடை

ஆழ்ந்த காற்றழுத்த தாழ்வு பகுதி காரணமாக காற்றின் வேகம் மணிக்கு 45-55 கி.மீ. வேகத்தில் வீசும் என்று தெரிவிக்கப்பட்டுள்ளது.

மீனவர்கள் கடலுக்கு செல்ல தடை

Deep depression; Rameswaram fishermen banned from going to sea

ByDravidan Times Bureau

Published on: December 11, 2024 at 8:56 am

Rameswaram | தென்கிழக்கு வங்கக்கடல் மற்றும் அதனை ஒட்டிய பூமத்திய ரேகையை ஒட்டிய கிழக்கு இந்திய பெருங்கடல் பகுதிகளில் நிலவிய காற்றழுத்த தாழ்வு பகுதி, நேற்று (10-12-2024) ஆழ்ந்த காற்றழுத்த தாழ்வு பகுதியாக வலுப்பெற்று, தென்மேற்கு மற்றும் அதனை ஒட்டிய தென்கிழக்கு வங்கக்கடல் பகுதிகளில் நிலவுகிறது. இது அடுத்த 24 மணி நேரத்தில் மேற்கு-வடமேற்கு திசையில், தென்மேற்கு வங்கக்கடல் பகுதிகளில் இலங்கை -தமிழக கடலோரப்பகுதிகளை நோக்கி நகரக்கூடும் என்று வானிலை மையம் தெரிவித்துள்ளது.

இதன் காரணமாக இன்று முதல் 14-ந்தேதிவரை வடகிழக்கு பருவமழையின் மழைப்பொழிவு தீவிரம் அடையும் என்று எதிர்பார்க்கப்படுகிறது. காற்றின் வேகம் மணிக்கு 45-55 கி.மீ. வேகத்தில் வீசும் என்பதால் மீன்வளத்துறை எச்சரிக்கை விடுத்துள்ளது.

மேலும், ராமேஸ்வரம் விசைப்படகு மற்றும் நாட்டுப் படகு மீனவர்கள் கடலுக்குச் செல்லத் தடை விதிக்கப்பட்டுள்ளது. மறு அறிவிப்பு வரும்வரை யாரும் கடலுக்கு செல்ல வேண்டாம் என்று அறிவுறுத்தப்பட்டுள்ளது. இதனால் ஆயிரத்துக்கும் மேற்பட்ட விசைப்படகுகள், நாட்டு படகுகள் கரையோரங்களில் நிறுத்தி வைக்கப்பட்டுள்ளன.

இதையும் படிங்க ஆழ்ந்த காற்றழுத்த தாழ்வு பகுதி ; இடி, மின்னலுடன் கனமழைக்கு வாய்ப்பு ; வானிலை மையம் அலர்ட்