கோவை குண்டுவெடிப்பு வழக்கு கைதிகளுக்கு பரோல்: தமிழக அரசுக்கு பாஜக கண்டனம்

Coimbatore Blast Parole Row: கோவை குண்டுவெடிப்பு வழக்கு கைதிகளுக்கு பரோல் வழங்கிய விவகாரத்தில் தமிழக அரசுக்கு பாஜக கண்டனம் தெரிவித்துள்ளது.

பா.ஜ.க செய்தித் தொடர்பாளர் நாராயணன் திருப்பதி

ByPushpa Gopinath

Published on: October 20, 2026 at 11:27 am

Updated on: October 20, 2026 at 11:28 am

சென்னை, அக்.20, 2026: 1998-ஆம் ஆண்டு கோவை தொடர் குண்டுவெடிப்பு வழக்கில் ஆயுள் தண்டனை அனுபவித்து வரும் ஐந்து கைதிகளுக்கு 60 நாட்கள் பரோல் வழங்கப்பட்ட தமிழக அரசின் முடிவுக்கு பாஜக கடும் கண்டனம் தெரிவித்துள்ளது.

தமிழக பாஜக தலைமை செய்தித் தொடர்பாளர் நாராயணன் திருப்பதி, இந்த முடிவை விமர்சித்ததுடன், பரோல் உத்தரவை உடனடியாக ரத்து செய்ய வேண்டும் என்றும் வலியுறுத்தியுள்ளார். பயங்கரவாதக் குற்றங்களில் தண்டனை பெற்றவர்களுக்கு இத்தகைய சலுகை வழங்குவது தவறான முன்னுதாரணத்தை ஏற்படுத்தும் என்றும் அவர் தெரிவித்துள்ளார்.

1998 பிப்ரவரி 14-ஆம் தேதி நடைபெற்ற கோவை தொடர் குண்டுவெடிப்புகளில் 58 பேர் உயிரிழந்தனர்; 250-க்கும் மேற்பட்டோர் காயமடைந்தனர். இந்த வழக்கில் முகமது அன்சாரி, முகமது அலி, மோனப்பா என்ற முகமது ஹசன், முகமது அஜம், நவாப் கான் ஆகிய ஐந்து பேரும் தண்டனை பெற்றவர்கள்.

தனிப்பட்ட காரணங்கள் மற்றும் உடல்நலப் பிரச்சினைகளைக் குறிப்பிட்டு அளிக்கப்பட்ட மனுவின் அடிப்படையில், 25 முதல் 30 ஆண்டுகளுக்கும் மேலாகச் சிறையில் இருந்த ஐந்து பேருக்கும் பரோல் வழங்கப்பட்டதாக அதிகாரிகள் தெரிவித்துள்ளனர். இந்த முடிவு தமிழக அரசியல் வட்டாரத்தில் விவாதத்தை ஏற்படுத்தியுள்ளது.

இதையும் படிங்க : அ.தி.மு.க.வில் இருந்து 15 எம்.எல்.ஏ.க்கள் வருவார்களா? செங்கோட்டையன் விளக்கம்!