கல்வி, தொழில் தொடங்கிடும் வெற்றித் திருநாள்.. டி.டி.வி தினகரன் விஜயதசமி வாழ்த்து!

TTV Dhinakaran: அம்மா மக்கள் முன்னேற்ற கழக பொதுச்செயலாளர் டி.டி.வி தினகரன், விஜயதசமி வாழ்த்து தெரிவித்துள்ளார்.

டி.டி.வி தினகரன்

ByPushpa Gopinath

Published on: September 30, 2025 at 10:08 pm

சென்னை,செப். 30, 2025: அம்மா மக்கள் முன்னேற்ற கழகப் பொதுச்செயலாளர் டி.டி.வி தினகரன் விஜயதசமி வாழ்த்து தெரிவித்துள்ளார். இதுகுறித்து செவ்வாய்க்கிழமை (செப்.30, 2025) அவர் விடுத்துள்ள அறிக்கையில், “ஆயுத பூஜையையும், விஜயதசமியையும் மகிழ்ச்சியுடன் கொண்டாடி மகிழும் தமிழக மக்கள் அனைவருக்கும் எனது உளமார்ந்த நல்வாழ்த்துகளைத் தெரிவித்துக் கொள்கிறேன்.

செய்யும் தொழிலையே தெய்வமாகப் போற்றிடும் வகையில் அவரவரது தொழிலுக்கு ஆதாரமாக விளங்கிடும் தொழிற்கருவிகளையும், இயந்திரங்களையும் தூய்மைப்படுத்தி அவற்றை வழிபடும் நன்னாளே ஆயுத பூஜை திருநாளாகும்” எனத் தெரிவித்துள்ளார்.

இதையும் படிங்க : விஜய் வீட்டுக்கு பாதுகாப்பு அதிகரிப்பு.. எஃப்.ஐ.ஆர்.ரில் இருப்பது என்ன?

மேலும், “அன்னை மகா சக்தியை வணங்கித் தொடங்கிடும் நற்காரியங்கள் அனைத்தும் வெற்றிபெறும் என்ற நம்பிக்கையில் கல்வி, கலை, தொழில் போன்றவற்றைத் தொடங்கிடும் வெற்றித் திருநாளே விஜயதசமி பண்டிகையாகும்.

ஊக்கத்துடன் கூடிய உழைப்பே வறுமையைப் போக்கி வாழ்வில் வளம் சேர்க்கும் என்பதை உணர்த்தும் இந்நாட்களில், தமிழக மக்கள் அனைவரும் அனைத்து வளமும் பெற்று நல்வாழ்வு பெற்றிட வேண்டும் என வேண்டி மீண்டும் ஒருமுறை எனது ஆயுதபூஜை, விஜயதசமி நல்வாழ்த்துகளை உரித்தாக்கிக் கொள்கிறேன்” எனக் குறிப்பிட்டுள்ளார்.

இதையும் படிங்க : சி.எம் சார்… நம் அரசியல் பயணம் இன்னமும் வலிமையாக தொடரும்.. த.வெ.க விஜய்