டி-20 உலகக் கோப்பை.. இங்கிலாந்து, நியூசிலாந்து இன்று மோதல்!

ICC Men’s T20 World Cup: டி-20 உலகக் கோப்பை இன்றைய கிரிக்கெட் போட்டியில் இங்கிலாந்து, நியூசிலாந்து அணிகள் மோதுகின்றன.

இங்கிலாந்து, நியூசிலாந்து இன்று மோதல்

ByPunitha Rajesh

Published on: February 27, 2026 at 5:09 pm

கொழும்பு, பிப்.27, 2026: ஐ.சி.சி ஆண்கள் டி-20 உலகக் கோப்பை போட்டியில், இன்று (வெள்ளிக்கிழமை) இங்கிலாந்து அணி நியூசிலாந்து அணியை எதிர்கொள்கிறது.
இந்த சூப்பர் 8 குழு 2 போட்டி கொழும்பு ஆர். பிரேமதாசா மைதானத்தில் மாலை 7 மணிக்கு தொடங்குகிறது.

முன்னதாக, நேற்றிரவு, இந்தியா அணி சென்னை எம்.ஏ. சிதம்பரம் மைதானத்தில் நடைபெற்ற முக்கியமான சூப்பர் எட்டு ஆட்டத்தில் ஜிம்பாப்வே அணியை 72 ரன்கள் வித்தியாசத்தில் வென்றது.
இந்தியா தனது கடைசி சூப்பர் எட்டு ஆட்டத்தில் வரும் ஞாயிற்றுக்கிழமை, கொல்கத்தா ஈடன் கார்டன்ஸ் மைதானத்தில் வெஸ்ட் இண்டீஸ் அணியை எதிர்கொள்ள உள்ளது. இந்த ஆட்டத்தின் முடிவு இந்தியாவின் உலகக் கோப்பை பயணத்தை தீர்மானிக்கும்.

இந்த நிலையில், அரையிறுதி போட்டிகள் மார்ச் 4 மற்றும் 5 ஆம் தேதி நடைபெறுகின்றன. இறுதிப் போட்டி மார்ச் 8ஆம் தேதி நடைபெறுகிறது. இந்நிலையில், இந்தியா–வெஸ்ட் இண்டீஸ் ஆட்டம் மிகவும் தீர்மானிக்கும் தருணமாக இருக்கும். இந்தியா வென்றால் அரையிறுதிக்கு முன்னேறும் வாய்ப்பு அதிகம்.
முன்னதாக, இந்தியா தனது முதல் சூப்பர் 8 ஆட்டத்தில் தென் ஆப்ரிக்காவிடம் 76 ரன்கள் வித்தியாசத்தில் தோல்வியடைந்தது. இதனால் அரையிறுதிக்கு செல்லும் வாய்ப்பு சற்று சிக்கலானது. இதற்கிடையில், இந்தியா ஜிம்பாப்வே அணியை 72 ரன்கள் வித்தியாசத்தில் வீழ்த்தி வெற்றி பெற்றதால் மீண்டும் நம்பிக்கை ஏற்பட்டுள்ளது குறிப்பிடத்தக்கது.

இதையும் படிங்க: ஹாக்கி போட்டி.. ஆஸ்திரேலியாவை வீழ்த்திய இந்தியா