நியூசிக்கு எதிராக தினேஷ் சண்டிமல் சதம்: இலங்கை ரன் குவிப்பு!

Dinesh Chandimal | இலங்கை- நியூசிலாந்து அணிகள் மோதும் இரண்டாவது கிரிக்கெட் டெஸ்ட் போட்டி, இலங்கையில் உள்ள காலி சர்வதேச கிரிக்கெட் ஸ்டேடியத்தில் இன்று (செப்.26, 2024) தொடங்கியது. இதில் டாஸ் வென்ற இலங்கை முதலில் பேட்டிங்கை தேர்வு செய்தது.

தொடக்க ஆட்டக்காரர்களாக நிசாங்க, கருணாரத்னே களம் கண்டார். இலங்கைக்கு தொடக்கமே அதிர்ச்சி காத்து இருந்தது. பதும் நிசங்க 3 பந்துகளில் ஒரு ரன்னில் பெவிலியன் திரும்பினார். அடுத்து தினேஷ் சண்டிமல் கருணாரத்னே உடன் ஜோடி சேர்ந்து அதிரடி காட்டினார்.

இந்த ஜோடி அதிரடி ரன் குவிப்பில் ஈடுபட்டது. இந்த நிலையில் தினேஷ் சண்டிமல் சதம் விளாசினார். முன்னதாக, 109 பந்துகளில் கருணாரத்னே 46 ரன்னில் வெளியேறினார். அடுத்து வந்த ஆங்லோ மேத்தீஸ் அதிரடி ரன் குவிப்பில் ஈடுபட்டார்.

இந்த நிலையில் சதம் அடித்த சண்டிமல் கிளென் பிளிப்ஸ் பந்துவீச்சில் கிளீன் போல்ட் ஆகி வெளியேறினார். அடுத்து களம் கண்ட மெண்டிஸூம் அரை சதம் அடித்துள்ளார். இலங்கை முதல் நாள் ஆட்ட முடிவில் 3 விக்கெட் இழப்புக்கு 306 ரன்கள் குவித்துள்ளது.

தினேஷ் சண்டிமல் 116 ரன்னில் அவுட் ஆன நிலையில், மேத்தீவ்ஸ் 78 ரன்னிலும், மெண்டீஸ் 51 ரன்னிலும் களத்தில் உள்ளனர். நியூசிலாந்து தரப்பில் திம் சௌதி மற்றும் கிளென் பிளிப்ஸ் ஆகியோர் தலா 1 விக்கெட்டை வீழ்த்தினர். 116 ரன்கள் குவித்த சண்டிமல் 15 பவுண்டரிகள் விளாசி இருந்தார் என்பது குறிப்பிடத்தக்கது.

இதையும் படிங்க : ‘ரோகித், விராத்.. இதெல்லாம் நல்லது அல்ல’: எச்சரித்த சஞ்சய் மஞ்ரேக்கர்!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்