கொல்கத்தா துர்கா பூஜை பந்தலில் கூட்ட நெரிசல்: 17 பேர் உயிரிழப்பு?

Kolkata Durga Puja Stampede : கொல்கத்தா துர்கா பூஜை பந்தலில் கூட்ட நெரிசலில் சிக்கி 17 பேர் வரை உயிரிழந்திருக்கலாம் என அதிர்ச்சிகரமான தகவல்கள் வெளியாகியுள்ளன.

துர்கா பூஜையில் கூட்ட நெரிசல்

BySaranya JK

Published on: October 18, 2026 at 12:43 pm

கொல்கத்தா, அக்.18, 2026: மேற்கு வங்க மாநிலம் கொல்கத்தாவின் வடக்குப் பகுதியில் உள்ள சோர்பகான் சர்வஜனின் துர்கா பூஜை பந்தலில், சனிக்கிழமை மாலை கடும் கூட்ட நெரிசல் ஏற்பட்டது. இதில் பலர் காயமடைந்தனர். காயமடைந்தவர்கள் கல்கத்தா மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டனர்.

துர்கா பூஜையை முன்னிட்டு பந்தலில் ஏராளமானோர் திரண்டிருந்தனர். அப்போது கனமழை பெய்ததால், வெளியே காத்திருந்த மக்கள் உள்ளே செல்ல முண்டியடித்ததாகவும், இதனால் சிலர் கீழே விழுந்து நெரிசல் ஏற்பட்டதாகவும் காவல்துறை தரப்பில் தெரிவிக்கப்பட்டுள்ளது.

இந்தச் சம்பவத்தில் குறைந்தது 25 பேர் காயமடைந்ததாகவும், 17 பேர் வரை உயிரிழந்திருக்க கூடும் எனவும் முதற்கட்ட தகவல்கள் தெரிவிக்கின்றன. அவர்களில் சிலருக்கு மூச்சுத்திணறல் ஏற்பட்டதாகவும், உடனடியாக மருத்துவமனைக்குக் கொண்டு செல்லப்பட்டதாகவும் தகவல்கள் வெளியாகியுள்ளன.

சம்பவத்தைத் தொடர்ந்து, பந்தலுக்குள் பொதுமக்கள் செல்வது தற்காலிகமாகத் தடுக்கப்பட்டது. காவல்துறையினர் மற்றும் பேரிடர் மீட்புக் குழுவினர் சம்பவ இடத்துக்குச் சென்று மீட்பு மற்றும் பாதுகாப்புப் பணிகளில் ஈடுபட்டனர்.

மேற்கு வங்க முதல்வர் சுவேந்து அதிகாரி மருத்துவமனைக்குச் சென்று காயமடைந்தவர்களின் நிலை குறித்து கேட்டறிந்தார். கூட்ட நெரிசலுக்கான காரணம் மற்றும் பாதுகாப்பு ஏற்பாடுகள் தொடர்பாக அதிகாரிகள் விசாரணை மேற்கொண்டு வருகின்றனர். உயிரிழப்பு குறித்த தகவல்களில் ஆரம்பகட்ட அறிக்கைகளுக்கு இடையே வேறுபாடுகள் உள்ளதால், உறுதிப்படுத்தப்பட்ட விவரங்கள் வெளியாகும் வரை எச்சரிக்கையுடன் அணுக வேண்டியுள்ளது.

இதையும் படிங்க : ஆயுதப் பூஜை 2026: சென்னையில் இருந்து 2.62 லட்சம் பேர் பயணம்!