ஆயுதப் பூஜை 2026: சென்னையில் இருந்து 2.62 லட்சம் பேர் பயணம்!

Special Bus: சென்னையிலிருந்து 2 நாட்களில் 2.62 லட்சம் பேர் பயணம் மேற்கொண்டுள்ளனர்; சிறப்புப் பேருந்துகளில் மக்கள் சொந்த ஊர்களுக்குப் பயணம் செய்துள்ளனர்.

சென்னையில் இருந்து மக்கள் பயணம்

ByPushpa Gopinath

Published on: October 18, 2026 at 11:21 am

சென்னை, அக்.18, 2026: ஆயுத பூஜை தொடர் விடுமுறையை முன்னிட்டு, சென்னையிலிருந்து கடந்த இரண்டு நாட்களில் 2.62 லட்சம் பயணிகள் பேருந்துகளில் தங்களது சொந்த ஊர்களுக்குப் பயணம் செய்துள்ளனர். பயணிகளின் வசதிக்காகத் தமிழக அரசுப் போக்குவரத்துக் கழகங்கள் சார்பில் வழக்கமான பேருந்துகளுடன் சிறப்புப் பேருந்துகளும் இயக்கப்பட்டன.

அக்டோபர் 15 மற்றும் 16 ஆகிய தேதிகளில் சென்னையிலிருந்து மொத்தம் 5,892 பேருந்துகள் இயக்கப்பட்டன. இதில் 4,382 வழக்கமான பேருந்துகளும், 1,510 சிறப்புப் பேருந்துகளும் அடங்கும். சிறப்புப் பேருந்துகளில் 1,253 பேருந்துகள் அரசுப் போக்குவரத்துக் கழகங்கள் மூலமாகவும், 257 பேருந்துகள் தனியார் மூலமாகவும் இயக்கப்பட்டன.

அக்டோபர் 15-ம் தேதி 2,546 பேருந்துகள் இயக்கப்பட்டு 1.15 லட்சம் பயணிகள் பயணம் செய்தனர். அக்டோபர் 16-ம் தேதி 3,346 பேருந்துகள் இயக்கப்பட்ட நிலையில், 1.47 லட்சம் பேர் பயணம் செய்துள்ளனர். இதன் மூலம் இரண்டு நாட்களில் பயணம் செய்தவர்களின் எண்ணிக்கை 2.62 லட்சமாக உயர்ந்துள்ளது.

பயண ஏற்பாடுகளைப் போக்குவரத்துத் துறை அமைச்சர் ஆ. விஜய் தமிழன் பார்த்திபன் கிளாம்பாக்கம், கோயம்பேடு உள்ளிட்ட முக்கியப் பேருந்து நிலையங்களில் நேரில் ஆய்வு செய்தார். கிளாம்பாக்கம், கோயம்பேடு, மாதவரம், கிளாம்பாக்கம் அருகிலுள்ள சிஎம்டிஏ காலநிலைப் பூங்கா மற்றும் மறைமலைநகர் ஆகிய ஐந்து இடங்களிலிருந்து சிறப்புப் பேருந்துகள் இயக்கப்பட்டன. பயணிகளின் பாதுகாப்பை உறுதி செய்ய ஓட்டுநர்கள் மற்றும் நடத்துநர்களுக்கு அமைச்சர் அறிவுறுத்தினார்.

இதையும் படிங்க : 2025 நிதியாண்டில் தி.மு.க, அ.தி.மு.க.வுக்கு லாட்டரி நிறுவனம் நன்கொடை.. எவ்வளவு தெரியுமா?