‘கோமூத்திர நிபுணர்’.. மெட்ராஸ் ஐ.ஐ.டி இயக்குனர் காமகோடியை அவமதித்த பிரியங்கா காந்தி!

Priyanka Gandhi: காங்கிரஸ் பொதுச்செயலாளர் பிரியங்கா காந்தி, மெட்ராஸ் ஐ.ஐ.டி இயக்குனர் காமகோடியை கோமூத்திர நிபுணர்” என விமர்சித்துள்ளார்.

காமகோடி, பிரியங்கா காந்தி

BySaranya JK

Published on: July 29, 2026 at 1:02 pm

Updated on: July 29, 2026 at 1:03 pm

புதுடெல்லி, ஜூலை 29, 2026: ஐஐடி-மெட்ராஸ் இயக்குநர் வி. காமகோடியை காங்கிரஸ் தலைவர் பிரியங்கா காந்தி, “கோமூத்திர நிபுணர்” என்று குறிப்பிட்டுள்ளார். இதற்கு பதிலளித்த பாஜக தலைவர் அனுராக் தாக்கூர், காமகோடி இந்தியாவின் சிறந்த விஞ்ஞானிகளில் ஒருவராக இருப்பதை வலியுறுத்தி, பிரியங்காவின் கருத்தை கடுமையாக கண்டித்தார்.

வி. காமகோடி, கணினி கட்டமைப்பு, தகவல் பாதுகாப்பு மற்றும் வி.எல்.எஸ்.ஐ வடிவமைப்பில் நிபுணத்துவம் பெற்றவர். இவர் ஐ.ஐ.டி-மெட்ராஸில் 2001 முதல் பணியாற்றி வருகிறார்.
இந்தியாவின் முதல் உள்நாட்டு நுண்செயலியான ‘சக்தி’ (Shakti) உருவாக்கிய ஆராய்ச்சிக் குழுவை அவர் வழிநடத்தியுள்ளார். மேலும், தேசிய பாதுகாப்பு ஆலோசனைக் குழுவிலும், செயற்கை நுண்ணறிவு தொடர்பான பணிக்குழுவிலும் முக்கிய பங்காற்றியுள்ளார்.

அவரது பங்களிப்புக்காக டி.ஆர்.டி.ஓ-வின் கல்விசார் சிறப்பிற்கான விருது, IESA-வின் டெக்னோ விசினரி அவார்ட், ஏ.சி.சி.எஸ் வாழ்நாள் சாதனையாளர் விருது, ஐ.பி.எம் கல்வியாளர் விருது உள்ளிட்ட பல விருதுகளை பெற்றுள்ளார். 2024-ஆம் ஆண்டில், கணினி கட்டமைப்பு ஆராய்ச்சி மற்றும் தேசிய பாதுகாப்புத் துறையில் ஆற்றிய பணிக்காக, அறிவியல் மற்றும் பொறியியல் பிரிவில் பத்மஸ்ரீ விருது வழங்கப்பட்டது.

முன்னதாக, தேர்வுச் சீர்திருத்தக் குழுவில் இடம்பெற்ற பிறகு, காமகோடி, தேர்வுகளை நடத்துவதில் மிகப்பெரிய சவால் வினாத்தாள் தயாரிப்பவரின் நேர்மை மற்றும் நம்பகத்தன்மைதான் என்று குறிப்பிட்டார். போட்டித் தேர்வுகளை எழுதும் மாணவர்களின் எண்ணிக்கை அதிகரித்துள்ளதால், தொழில்நுட்பத்தின் பயன்பாடு மிகவும் அவசியமாகிவிட்டதாகவும் அவர் வலியுறுத்தினார்.

இதையும் படிங்க : ஆளுநர் நிகழ்வில் வந்தே மாதரம் பாடலுக்கு முதல் உரிமை? மத்திய அரசின் 2026 பிப்ரவரி உத்தரவு என்ன?