ஆபரேஷன் சிந்தூர் நாடாளுமன்ற விவாதம்; மத்திய அரசு சம்மதம்!

Parliamentary debate on Operation Sindoor: பாகிஸ்தானின் பயங்கரவாத தாக்குதலுக்கு எதிரான ஆபரேஷன் சிந்தூர் இராணுவ நடவடிக்கை குறித்து நாடாளுமன்றத்தில் விவாதிக்க மத்திய அரசு சம்மதித்துள்ளது.

நாடாளுமன்றம்

BySaranya JK

Published on: July 20, 2025 at 2:13 pm

புதுடெல்லி, ஜூலை 20 2025: பாகிஸ்தானின் பயங்கரவாத தாக்குதலுக்கு எதிரான இந்திய ராணுவ நடவடிக்கையான ஆபரேஷன் சிந்தூர் குறித்து நாடாளுமன்றத்தில் விவாதிக்க மத்திய அரசு சம்மதித்துள்ளது.
நாடாளுமன்ற மழைக்கால கூட்டத்தொடர் நாளை (ஜூலை 21 2025) முதல் தொடங்கவுள்ள நிலையில், ஆபரேஷன் சிந்தூர் குறித்த விவாதத்தை நடத்த வேண்டும் என்ற எதிர்க்கட்சியின் கோரிக்கை விடுத்தன.

தற்போது, இந்தக் கோரிக்கை ஏற்றுக் கொள்ளப்பட்டுவிட்டதாக பிரபல ஆங்கில நாளேடுகள் செய்தி வெளியிட்டுள்ளன. எனினும், தேர்தல் நடைபெறவிருக்கும் பீகாரில் வாக்காளர் பட்டியல்களின் சிறப்பு தீவிர திருத்தம் (SIR) குறித்த விவாதம் குறித்து அரசாங்கம் இன்னும் எந்த முடிவையும் எடுக்கவில்லை எனவும் கூறப்படுகிறது.

நாடாளுமன்ற மழைக்கால கூட்டத்தொடர், ஜூலை 21 ஆம் தேதி தொடங்கி ஆகஸ்ட் 21 ஆம் தேதி நிறைவடைகிறது. முன்னதாக, இந்தியா கூட்டணி காணொலி வாயிலாக கூட்டத்தை நடத்தியது. அப்போது, மழைக்கால அமர்வின் போது எழுப்ப திட்டமிட்டுள்ள எட்டு முக்கிய பிரச்சினைகள் குறித்து ஒருமித்த கருத்தை எட்டியது.

அவற்றில் பஹல்காம் பயங்கரவாத தாக்குதல், ஆபரேஷன் சிந்தூர், அமெரிக்க ஜனாதிபதி டொனால்ட் டிரம்பின் போர்நிறுத்த அறிவிப்பு, இந்தியாவின் வெளியுறவுக் கொள்கை மற்றும் பீகாரில் தேர்தல் ஆணையத்தின் தற்போதைய வாக்காளர் பட்டியல் திருத்தம் ஆகியவை அடங்கும் என்பது குறிப்பிடத்தக்கது.

இதையும் படிங்க : மகாராஷ்டிரா சட்டப்பேரவையில் ரம்மி விளையாடிய அமைச்சர்; எதிர்க்கட்சிகள் கடும் விமர்சனம்!