டெல்லி சலோ; தீவிரமடையும் விவசாயிகள் போராட்டம்: கண்ணீர் புகைக்குண்டு வீச்சு!

2024 Farmers protest | விவசாயிகள் போராட்டம் தீவிரம் அடைந்து வருகிறது. இந்நிலையில், ஹரியானா பாதுகாப்புப் படையினரால் அமைக்கப்பட்ட பல அடுக்கு தடுப்புகளால் விவசாயிகள் தடுத்து நிறுத்தப்பட்டனர்.

விவசாயிகள் போராட்டம்

Farmers' protest intensifies: Tear gas fired

ByDravidan Times Bureau

Published on: December 9, 2024 at 9:11 am

Updated on: December 9, 2024 at 9:34 am

விவசாயிகள் போராட்டம் 2024 | பஞ்சாப்-ஹரியானா எல்லையில் உள்ள ஷம்பு என்ற இடத்தில் ஹரியானா காவல்துறை நடத்திய கண்ணீர் புகை குண்டு வீச்சில் 8 விவசாயிகள் காயம் அடைந்தனர்.
இதற்கிடையில், ஞாயிற்றுக்கிழமை (டிச.8, 2024) போராட்டத்தில் ஈடுபட்ட விவசாயிகள் ‘டெல்லி சலோ’ அணிவகுப்பை நாள் முழுவதும் நிறுத்தினர்.

இது குறித்து, பஞ்சாபின் விவசாயி தலைவர் சர்வான் சிங் பாந்தர் கூறுகையில், ”கண்ணீர் புகை குண்டு வீச்சு தாக்குதலில் குறைந்தது எட்டு விவசாயிகள் காயமடைந்தனர். அவர்களில் ஒருவர் சண்டிகரில் உள்ள முதுகலை மருத்துவக் கல்வி மற்றும் ஆராய்ச்சி மருத்துவமனைக்கு (PGIMER) அழைத்துச் செல்லப்பட்டார்” என்றார்.
மேலும், “இன்று (அதாவது டிச.8, 2024) 101 விவசாயிகள் கொண்ட ஜாதாவை வாபஸ் பெற முடிவு செய்துள்ளோம். இன்றும் போராட்டம் தொடரும். ஒரு விவசாயி மருத்துவமனையில் அனுமதிக்கப்பட்டுள்ளார்.

அவர், ஆபத்தான நிலையில் உள்ளார். மேலும், 8-9 விவசாயிகள் காயமடைந்துள்ளனர். எனவே நாங்கள் ‘ஜாதா’வை வாபஸ் பெற்றுள்ளோம். கூட்டத்திற்குப் பிறகு, எதிர்காலத் திட்டத்தைப் பற்றி நாங்கள் உங்களுக்குச் சொல்வோம்” என்றார்.

இதையும் படிங்க