ஒயிட் காலர் பயங்கரவாதம்.. 2,900 கிலோ வெடிப்பொருள்.. பெண் டாக்டர் உள்பட 4 மருத்துவர்கள் கைது!

4 doctors arrested: பயங்கரவாத செயல்களில் ஈடுபட்டதாக கடந்த 4 நாள்களில் 4 மருத்துவர்கள் கைது செய்யப்பட்டுள்ளனர். இவர்களிடம் இருந்து வெடிப் பொருள்கள் பறிமுதல் செய்யப்பட்டுள்ளன.

கைது செய்யப்பட்ட 4 மருத்துவர்கள் டாக்டர் முசாமில் ஷகீல், டாக்டர் அதீல் அகமது ராதர், டாக்டர் அகமது மொஹியுதீன் சயீத், மற்றும் டாக்டர் ஷாஹீன் ஷஹீத் (வரிசை: இடமிருந்து வலமாக)

ByPushpa Gopinath

Published on: November 12, 2025 at 10:00 pm

புதுடெல்லி, நவ.12, 2025: கடந்த வாரத்தில், இரண்டு தனித்தனி சம்பவங்களில் 4 மருத்துவர்கள் மற்றும் அவர்களின் பயங்கரவாத நடவடிக்கைகளுடன் தொடர்புடைய பல கூட்டாளிகள் கைது செய்யப்பட்டுள்ளனர். இதன்மூலம், தொழில்முறை வட்டாரங்களுக்குள் இருந்து செயல்படும் வளர்ந்து வரும் வெள்ளை காலர் பயங்கரவாத சூழல் அம்பலமாகி உள்ளது.

இந்நிலையில் உத்தரப் பிரதேசம், ஹரியானா மற்றும் ஜம்மு & காஷ்மீரில் நடந்த கைதுகளில் ஒன்றுடன் 2,900 கிலோவிற்கும் அதிகமான வெடிகுண்டு தயாரிக்கும் பொருள்கள், துப்பாக்கிகள், கைத்துப்பாக்கிகள் மற்றும் பிற சந்தேகத்திற்கிடமான பொருள்கள் பறிமுதல் செய்யப்பட்டுள்ளன. முன்னதாக குஜராத்தில் நடத்தப்பட்ட விசாரணையில் விஷம் தயாரிக்கும் பொருள்கள் மற்றும் கைத்துப்பாக்கிகள் மீட்கப்பட்டன.

பயங்கரவாத குழுக்களுடன் தொடர்பு

இதற்கிடையில், இந்த மருத்துவர்கள் பாகிஸ்தான் மற்றும் பிற நாடுகளிலிருந்து செயல்படும் வெளிநாட்டு பயங்கரவாதிகளுடனும், ஐ.எஸ்.ஐ.எஸ், ஜெய்ஷ்-இ-முகமது (ஜெ.இ.எம்) மற்றும் அன்சார் கஸ்வத்-உல்-ஹிந்த் (ஏ.ஜி.யு.எச்) போன்ற தடைசெய்யப்பட்ட அமைப்புகளுடனும் தொடர்பில் இருந்ததாக விசாரணைகளில் தெரியவந்துள்ளது.

கடந்த 4 நாள்களில் பயங்கரவாத செயல்களில் ஈடுபட்ட 4 மருத்துவர்கள் கைது செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது.

இதையும் படிங்க : கூட்டுப் பாலியல் வன்கொடுமைக்கு ஆளான பெண் மீது தாக்குதல்.. வழக்கறிஞர் கால்முறிவு!