அரை கிலோ ஆட்டு ஈரல் போதும்.. சுடச்சுட வறுவல் இப்படி பண்ணுங்க!

Food: எல்லோரும் விரும்பி சாப்பிடக்கூடிய சுவையான மட்டன் ஈரல் வறுவல் இப்படி செஞ்சு அசத்துங்க.

ஆட்டு ஈரல் வறுவல்

How to make spicy and delicious Mutton Liver Fry

ByPushpa Gopinath

Published on: March 14, 2025 at 11:06 am

Updated on: March 14, 2025 at 11:07 am

நான்வெஜ் பிரியர்களுக்கு பிடித்த சுவையான காரசாரமான ஆட்டு ஈரல் வறுவல் எப்படி செய்யலாம் என்று பார்க்கலாம்.

தேவையான பொருள்கள்

ஈரல் -½கிலோ
எண்ணெய் – 2 டேபிள் ஸ்பூன்
சோம்பு -½ டீஸ்பூன்
கறிவேப்பிலை – சிறிதளவு
பச்சை மிளகாய் -2
பெரிய வெங்காயம்-2
இஞ்சி பூண்டு விழுது-1 டீஸ்பூன்
உப்பு -தேவையான அளவு
மஞ்சள் தூள் -¼ டீஸ்பூன்
மிளகாய் தூள் -¼ ஸ்பூன்
மல்லித்தூள் -½ ஸ்பூன்
கரம் மசாலா -¼ ஸ்பூன்
மிளகுத்தூள் -½ ஸ்பூன்

செய்முறை

ஒரு கடாயில் எண்ணெய் சேர்த்து எண்ணெய் காய்ந்ததும் அதில் சோம்பு, கறிவேப்பிலை, பச்சை மிளகாய் மற்றும் பொடியாக நறுக்கிய பெரிய வெங்காயம் சேர்த்து வதக்கவும். வெங்காயம் வேகமாக வதங்குவதற்கு சிறிது உப்பு சேர்த்துக் கொள்ளவும். வெங்காயம் நன்கு வதங்கி பொன்னிறமாக மாறிய பின்னர் இதனுடன் இஞ்சி பூண்டு விழுது சேர்த்து வதக்கவும்.

இதையும் படிங்க: மன மணக்கும் மட்டன் சுக்கா; வீட்டிலேயே சிம்பிளா செய்யலாம்: எப்படி தெரியுமா?

இஞ்சி பூண்டு விழுதின் பச்சை வாடை நீங்கிய பின்னர் இதனுடன் கழுவி சுத்தம் செய்து வைத்த ஈரல் துண்டுகளை சேர்க்கவும். பின்னர் வறுவலுக்கு தேவையான உப்பு மற்றும் சிறிது மஞ்சள் தூள் சேர்த்து கலந்த பின்னர் ஐந்து நிமிடம் மூடி போட்டு வேக விடவும். ஈரலில் இருந்து வெளியேறிய தண்ணீர் வற்றி எண்ணெய் பிரிந்து வந்த பின்னர் மசாலா பொருட்களை சேர்த்துக் கொள்ளவும்.

மிளகாய் தூள், மல்லி தூள் மற்றும் கரம் மசாலா சேர்த்து கலந்து விடவும். மசாலாவின் பச்சை வாடை நீங்கிய பின்னர் இதனுடன் ஈரல் மூழ்கும் அளவிற்கு சிறிதளவு தண்ணீர் சேர்த்து மூடி போட்டு ஐந்து நிமிடம் வேகவிடவும். தண்ணீர் வற்றி எண்ணெய் பிரிந்து ஈரல் வெந்த பின்னர் இறுதியாக மிளகுத்தூள், சிறிது கருவேப்பிலை மற்றும் சிறிதளவு கொத்தமல்லி இலைகளை சேர்த்து கலந்து விடவும். இப்போது காரசாரமான சுவையான ஈரல் வறுவல் தயார்.

இதையும் படிங்க : காரசாரமான சுவையில் கடாய் சிக்கன் ; இப்டி டிரை பண்ணி பாருங்க ; சுவை அள்ளும்!