Food: ரெஸ்டாரன்ட் சுவையில் வீட்டிலேயே சுவையான மட்டன் சுக்கா இப்படி பண்ணுங்க.
Food: ரெஸ்டாரன்ட் சுவையில் வீட்டிலேயே சுவையான மட்டன் சுக்கா இப்படி பண்ணுங்க.
Published on: April 21, 2025 at 12:01 pm
சுவையான மட்டன் சுக்கா வறுவல் எப்படி செய்யலாம் என்று பார்க்கலாம்.
தேவையான பொருள்கள்
கடலை எண்ணெய் -3 டேபிள்ஸ்பூன்
பெரிய வெங்காயம் -1
கருவேப்பிலை -1 கொத்து
முந்திரிப் பருப்பு -1 கைப்பிடி அளவு
கொத்தமல்லி இலை – ஒரு கைப்பிடி அளவு
வேக வைக்க வேண்டியவை
மட்டன் -¾ கிலோ
சின்ன வெங்காயம் -1 கப்
தக்காளி -1
மிளகாய் தூள் -1 டேபிள் ஸ்பூன்
மல்லித்தூள் -1 டேபிள் ஸ்பூன்
உப்பு தேவையான அளவு
புளிக்காத தயிர் -2 டேபிள் ஸ்பூன்
இஞ்சி பூண்டு விழுது -1 டேபிள் ஸ்பூன்
இஞ்சி பூண்டு விழுது தயாரிக்க
பூண்டு -1 கைப்பிடி அளவு
இஞ்சி -1 துண்டு
சீரகம் -1 டீஸ்பூன்
மிளகு -1 டீஸ்பூன்
செய்முறை
ஒரு மிக்ஸி ஜாரில் அல்லது இடி கல்லில் இஞ்சி, பூண்டு, சீரகம் மற்றும் மிளகு சேர்த்து விழுதாகி கொள்ளவும். ஒரு குக்கரில் சுத்தம் செய்த மட்டன் துண்டுகளை எடுத்துக் கொள்ள வேண்டும். இதனுடன் சின்ன வெங்காயம், ஒரு சிறிய அளவு தக்காளி, மிளகாய்த்தூள், மல்லித்தூள் தேவையான அளவு உப்பு புளிக்காத தயிர் மற்றும் தயார் செய்து வைத்தல் இஞ்சி பூண்டு விழுது சேர்க்கவும்.
இதையும் படிங்க: கேரட்டில் புட்டிங் கேக்.. சிம்பிளா இப்படி ட்ரை பண்ணுங்க..!
பின்னர் மட்டன் மூழ்கும் அளவிற்கு தண்ணீர் சேர்த்து, உப்பு மற்றும் காரம் சரிபார்த்து ஆறு முதல் ஏழு விசில் வைத்து மட்டன் துண்டுகளை வேக விடவும். ஒரு கடாயில் எண்ணெய் சேர்த்து எண்ணெய் காய்ந்ததும் அதில் நீளவாக்கில் நறுக்கிய பெரிய வெங்காயம் சேர்த்துக் கொள்ளவும். வெங்காயம் பொன்னிறமாக மாறிய பின்னர் இதனுடன் கருவேப்பிலை சேர்த்து வதக்கவும்.
பின்னர் இதனுடன் ஏற்கனவே வேக வைத்த மட்டன் துண்டுகளை தண்ணீரோடு சேர்த்து கலந்து விடவும். அடுப்பு தீயை ஹை பிளேமில் வைத்து தண்ணீர் வற்றும் வரை கொதிக்க விடவும். அடி பிடிக்காமல் இருக்க இடை இடையே கிளறி விடவும். தண்ணீர் வற்றி சுக்கா பதத்திற்கு வந்தவுடன் சிறிது நறுக்கிய மல்லி இலைகளை தூவி பரிமாறவும். இப்போது சுவையான மட்டன் சுக்கா தயார். இது பிரியாணி, தோசை, இட்லி, சப்பாத்தி, நான், மற்றும் சோறுடன் சேர்த்து சாப்பிட்டால் சுவையாக இருக்கும்.
இதையும் படிங்க மட்டன் சுவையில் காலிஃபிளவர் கோலா உருண்டை கிரேவி – இப்டி செஞ்சு பாருங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
