சப்பாத்தி, தோசை, சோறுக்கு கூட தொட்டுக்கலாம்.. ரெஸ்டாரன்ட் டேஸ்ட் காளான் கிரேவி இப்படி பண்ணுங்க..!

Food: வெஜ் பிரியர்கள் விரும்பி சாப்பிடக்கூடிய சுவையான காளான் கிரேவி இப்படி பண்ணுங்க.

காளான் கிரேவி

ByPushpa Gopinath

Published on: April 18, 2025 at 11:09 am

Updated on: April 18, 2025 at 11:10 am

சப்பாத்தி தோசை மற்றும் சாதத்துடன் சேர்த்து சாப்பிடக்கூடிய சுவையான காளான் கிரேவி எப்படி செய்யலாம் என்று பார்க்கலாம்.

தேவையான பொருட்கள்

காளான் -250 கிராம்
எண்ணெய் – 3 டேபிள்ஸ்பூன்
பட்டை -1
ஏலக்காய் -3
சீரகம் -½ டீஸ்பூன்
பெரிய வெங்காயம் -1
இஞ்சி பூண்டு விழுது-1 டீஸ்பூன்
மஞ்சள் தூள் -¼ டீஸ்பூன்
சீரகத்தூள் -½ டீஸ்பூன்
கரம் மசாலா -1 டீஸ்பூன்
மல்லித்தூள் -1 டீஸ்பூன்
மிளகாய் தூள் -1 டீஸ்பூன்
பச்சை மிளகாய் -3
கருவேப்பிலை -1 கொத்து
தக்காளி -1
உப்பு -தேவையான அளவு
கொத்தமல்லி இலை – சிறிதளவு

செய்முறை

ஒரு கடாயில் எண்ணெய் சேர்த்து எண்ணெய் காய்ந்ததும் அதில் பட்டை, ஏலக்காய், சீரகம் சேர்த்து வறுக்கவும். பின்னர் இதனுடன் பொடியாக நறுக்கிய பெரிய வெங்காயம் சேர்த்து வதக்கவும். வெங்காயம் வேகமாக வதங்க சிறிது உப்பு சேர்த்துக் கொள்ளவும். வெங்காயம் பொன்னிறமாக வதங்கிய பின்னர் இதனுடன் இஞ்சி பூண்டு விழுது சேர்க்கவும்.

இதையும் படிங்க :பால், முந்திரி போதும்… வீட்டிலேயே குல்பி ஐஸ் ரெடி!

பின்னர் இதனுடன் மஞ்சள் தூள், சீரகத்தூள், கரம் மசாலா, மல்லித்தூள், மிளகாய் தூள், பச்சை மிளகாய், ஒரு கொத்து கருவேப்பிலை சேர்த்து கலந்து விடவும். மசாலாவின் பச்சை வாடை நீங்கியதும் இதனுடன் பொடியாக நறுக்கிய பழுத்த தக்காளி மற்றும் சிறிது தண்ணீர் சேர்த்து வதக்கவும். தக்காளி வெந்து வசிந்த பின்னர் இதனுடன் கழுவி சுத்தம் செய்து நறுக்கிய காளான் துண்டுகளை சேர்த்து கலந்து விடவும்.

அடுப்புத்தீயை மீடியம் பிளேமில் வைத்து ஐந்து நிமிடம் மூடி போட்டு வேக விடவும். பின்னர் கிரேவிக்கு தேவையான தண்ணீர் சேர்த்து உப்பு சரிபார்த்துக் கொண்டு 8 நிமிடம் மூடி போட்டு வேகவிடவும். காளான் வெந்ததும் இறுதியாக பொடியாக நறுக்கிய கொத்தமல்லி இலைகளை சேர்த்து பரிமாறவும். இப்போது சுவையான காளான் கிரேவி தயார்.

இதையும் படிங்க: ஸ்வீட் கான், குடை மிளகாய் இருக்கா? வீட்டிலேயே பீட்சா ரெடி பண்ணலாம்!