தோசை மாவு இல்லையா? கவலைய விடுங்க; இன்ஸ்டன்ட்டா இத ட்ரை பண்ணுங்க !

How to make bun dosa | உடனடியாக செய்யக்கூடிய சுவையான பண் தோசை இப்படி பண்ணுங்க.

பண் தோசை

ByDravidan Times Bureau

Published on: November 25, 2024 at 12:01 pm

How to make bun dosa | காலை பிரேக் பாஸ்ட் சாப்பிடுவதற்கு உடனடியாக செய்யக்கூடிய சுவையான பண் தோசை எப்படி செய்யலாம் என்று பார்க்கலாம்.

தேவையான பொருட்கள்

பெரிய வெங்காயம் -1
பச்சை மிளகாய் – 2
கறிவேப்பிலை -1 கொத்து
எண்ணெய் – 3 டீஸ்பூன்
கடலை பருப்பு -1 டீஸ்பூன்
பெருங்காயத்தூள் -1/4
உப்பு – 1 டீஸ்பூன்
கொத்தமல்லி இலை – ஒரு கைப்பிடி அளவு
அரிசி மாவு -1 டேபிள் ஸ்பூன்
சோடா உப்பு -1 சிட்டிகை

அரைக்க வேண்டியவை

ரவை – 1கப்
புளித்த தயிர் – 3/4 கப்
தண்ணீர் -1/2 கப்

செய்முறை

ஒரு பாத்திரத்தில் ரவை, புளித்த தயிர் மற்றும் தண்ணீர் சேர்த்து நன்கு கலந்து விட வேண்டும். ஐந்து நிமிடத்திற்கு பிறகு இந்த கலவையை ஒரு மிக்ஸி ஜாரில் மாற்றி தேவையான அளவு தண்ணீர் சேர்த்து மாவு பதத்திற்கு அரைத்து எடுத்துக் கொள்ள வேண்டும். ஒரு கட்டாயில் எண்ணெய் சேர்த்து எண்ணெய் காய்ந்ததும் அதனுடன் கடலைப்பருப்பு, பொடியாக நறுக்கிய பெரிய வெங்காயம், பொடியாக நறுக்கிய பச்சை மிளகாய் மற்றும் பொடியாக நறுக்கிய கறிவேப்பிலை சேர்த்து நன்கு வதக்க வேண்டும்.

வெங்காயம் ஐந்து நிமிடம் வதங்கினால் போதுமானது. இதனுடன் ஒரு டீஸ்பூன் உப்பு மற்றும் ஒரு கைப்பிடி அளவு பொடியாக நறுக்கிய கொத்தமல்லி சேர்த்து நன்கு கலந்து விட வேண்டும். பின்னர் அடுப்பு டீயை ஆஃப் செய்து இந்த கலவையை ஏற்கனவே தயார் செய்து வைத்த மாவுடன் சேர்த்து நன்கு கலந்து விட வேண்டும். இதனுடன் அரிசி மாவு சேர்த்து கலந்து விட வேண்டும்.

இந்த சமயத்தில் உப்பு சரிபார்த்துக் கொள்ளவும். இறுதியாக ஒரு சிட்டிகை சோடா உப்பு சேர்த்து நன்கு கலந்து விட வேண்டும். இப்பொழுது தோசை சுடுவதற்கு மாவு தயார் நிலையில் உள்ளது. மாவு மிகவும் அடர்த்தியாக இருந்தால் சிறிது தண்ணீர் சேர்த்துக்கொள்ளவும். ஒரு தாலிக்கும் கடாயில் இரண்டு டீஸ்பூன் எண்ணெய் சேர்த்து அதில் தயார் செய்து வைத்த தோசை மாவை ஊற்றி அடுப்பு தீயை லோ பிளேமில் வைத்து தோசை வெந்ததும் மெதுவாக மாற்றி போட்டு இரண்டு பக்கமும் வேக விட வேண்டும். இப்போது சுவையான பண் தோசை தயார். இது தேங்காய் சட்னி, காரச் சட்னியுடன் சேர்த்து சாப்பிட சுவையாக இருக்கும்.

இதையும் படிங்க : ஸ்பெஷலான ஸ்பானிஷ் ஆம்லெட் ; முட்டையை இப்படி செஞ்சு பாருங்க ; சுவை அள்ளும்!