Gooseberry vs Aloevera | கற்றாழை மற்றும் நெல்லிக்காயில் உள்ள நற்பண்புகள் ஆரோக்கியமான கூந்தலுக்கு பெரிதும் உதவுகின்றது.
October 17, 2024
Gooseberry vs Aloevera | கற்றாழை மற்றும் நெல்லிக்காயில் உள்ள நற்பண்புகள் ஆரோக்கியமான கூந்தலுக்கு பெரிதும் உதவுகின்றது.
Published on: September 7, 2024 at 11:28 pm
Updated on: September 7, 2024 at 11:33 pm
Gooseberry vs Aloevera | ஆலோவேரா மற்றும் ஆம்லா அதாவது கற்றாழை மற்றும் நெல்லிக்காய் இரண்டிலும் ஏராளமான நன்மைகள் உள்ளன. முடி பராமரிப்பு விஷயத்தில் இந்த இரண்டும் ஆரோக்கியமான, வலுவான மற்றும் பளபளப்பான முடியை மேம்படுத்துவதற்கு உதவுகின்றன.
கற்றாழையில் நீரேற்றம் மற்றும் பல சிறந்த குணங்கள் உள்ளன. அதேவேளையில், நெல்லிக்காயில், ஆக்ஸிஜனேற்றம் நிறைந்த பண்புகள் உள்ளன.
இவற்றில் எது உங்களுக்கு பயனுள்ளதாக இருக்கும் என்பதை நீங்களே அறிந்து தீர்மானித்துக்கொள்ளுங்கள்.
நீரேற்றம்
கற்றாழை தலைமுடிக்கு போதுமான நீரேற்றத்தை வழங்குகிறது. இதில் உள்ள இயற்கை மூலப்பொருள்கள் உலர்ந்த மற்றும் உடையக்கூடிய முடியின் தன்மையை மாற்றுகிறது.
உச்சந்தலை ஆரோக்கியம்
கற்றாழையில் உச்சந்தலையில் எரிச்சல், பொடுகு மற்றும் அரிப்பு போன்றவற்றைப் போக்கக்கூடிய சிறந்த பண்புகள் உள்ளன.
இதில் உள்ள அழற்சி எதிர்ப்பு பண்புகள், அசௌகரியத்தை சரி செய்கிறது, இது தடிப்புத் தோல் அழற்சி போன்ற பிரச்சனைகளுக்கு சிறந்த தீர்வாக அமையும்.
ஊட்டச்சத்து
கற்றாழையில் உள்ள வைட்டமின்கள் (A, C, E, B12), ஃபோலிக் அமிலம் மற்றும் பீட்டா கரோட்டின் போன்ற ஊட்டச்சத்துக்கள் உள்ளது. இவை தலைமுடிக்கு ஊட்டமளிக்கவும், முடியை வலுப்படுத்தவும் உதவுகின்றன.
pH அளவு
கற்றாழை உச்சந்தலையின் இயற்கையான pH சமநிலையை மீட்டெடுக்க உதவுகிறது, ஆரோக்கியமான முடி வளர்ச்சியை ஊக்குவிக்கிறது. ஒரு சீரான pH மயிர்க்கால்களை தெளிவாக வைத்து, அதிகப்படியான எண்ணெய் உற்பத்தியைத் தடுக்கிறது.
எப்படி பயன்படுத்துவது?
ஆலோவேரா ஜெல்லை நேரடியாக உச்சந்தலையில் பயன்படுத்தலாம் அல்லது தேங்காய் எண்ணெய் அல்லது தேன் போன்ற ஊட்டமளிக்கும் பொருட்களுடன் ஹேர் மாஸ்க்கில் கலந்தும் பயன்படுத்தலாம்.
தேங்காய், பாதாம் அல்லது ஆலிவ் எண்ணெய் போன்ற கேரியர் எண்ணெய்களுடன் கற்றாழை ஜெல்லைக் கலந்து பயன்படுத்துவது கூந்தலுக்கு ஈரப்பதத்தை கொடுக்கும். இது தலைமுடியை அழகாக வைத்திருப்பதோடு கூந்தலுக்கு சிறந்த ஊட்டமளிக்கும்.
நெல்லிக்காயில் உள்ள நன்மைகள்
முடி ஆரோக்கியத்தைப் பொறுத்தவரை, நெல்லிக்காயில் உள்ள வைட்டமின் சி, ஆக்ஸிஜனேற்றிகள் மற்றும் பாலிபினால்கள் ஆகியவற்றின் சக்திவாய்ந்த ஆதாரங்களைக் கொண்டுள்ளது.
வைட்டமின் சி கொலாஜன் உற்பத்திக்கு அவசியம். இது மயிர்க்கால்களை வலுப்படுத்துகிறது. முடி வளர்ச்சியை ஊக்குவிக்கிறது மற்றும் இளநரையைத் தடுக்கிறது.
வலுப்படுத்துதல்
வலுவான மற்றும் நீளமாள முடியை நோக்கமாகக் கொண்டவர்களுக்கு நெல்லிக்காய் சிறந்த தேர்வாக இருக்கும். இது முடியின் வலிமையை அதிகரிப்பதோடு வளர்ச்சியைத் தூண்டுகிறது. முடி இழைகளை வலுப்படுத்த உதவும் ஆன்டிஆக்ஸிடன்ட்கள் இதில் உள்ளன.
இயற்கை கண்டிஷனர்
ஆம்லா ஒரு இயற்கை கண்டிஷனராக செயல்படுகிறது, இது தலைமுடியை மென்மையாகவும் பளபளப்பாகவும் மாற்றுகிறது.
இதையும் படிங்க: அதிகாலை வெறும் வயிற்றில் ஒரு கிளாஸ் தண்ணீர்; இத்தனை நன்மைகளா?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com