சச்சின், பிராட்மேன் கூட லிஸ்டில் இல்லை: இங்கிலாந்தின் ஆலி பாப் புதிய சாதனை!

Ollie Pope | இங்கிலாந்து கிரிக்கெட் வீரர் ஒல்லி போப் கிரிக்கெட்டில் மகத்தான சாதனை படைத்துள்ளார்.
இலங்கை கிரிக்கெட் அணி இங்கிலாந்தில் 3 டெஸ்ட் தொடரில் விளையாடி வருகிறது. இதில் ஏற்கனவே 2 டெஸ்ட் தொடரை இழந்துவிட்டது.

ஆலி பாப் சதம்

இந்த நிலையில் 3வது டெஸ்ட் கிரிக்கெட் போட்டி லண்ண்டன் ஒவர் மைதானத்தில் செப்.6ஆம் தேதி வெள்ளிக்கிழமை தொடங்கியது.
இந்தப் போட்டியில் முதலில் பேட்டிங் செய்த இங்கிலாந்து அணி முதல் இன்னிங்ஸில் 325 ரன்கள் குவித்தது. இதில் ஆலி பாப் மட்டும் 156 பந்துகளில் 154 ரன்கள் எடுத்தார். இதில் 2 சிக்ஸர்களும், 19 பவுண்டரிகளும் அடங்கும்.

புதிய சாதனை

இந்தப் போட்டியில், ஆலி பாப் அடித்த சதம் மூலமாக புதிய சாதனையை படைத்துள்ளார். அதாவது இவர் அடித்த 7 சதங்களும் வெவ்வெறு அணிக்கு எதிரானது ஆகும். இந்த சாதனையை டெஸ்ட் கிரிக்கெட் ஜாம்பவனான ராகுல் டிராவிட், சச்சின் தெண்டுல்கர் ஏன்? ஆஸ்திரேலியாவின் பிராட்மேன் கூட செய்யவில்லை.

ஆலி பாப் டெஸ்டில் அடித்த சதங்கள்

இவர் 2020ல் தென் ஆப்பிரிக்காவுக்கு எதிராக 135 ரன்களும், 2022ல் நியூசிலாந்துக்கு எதிராக 145 ரன்களும், 2022 பாகிஸ்தானுக்கு எதிராக 108 ரன்களும், 2023ல் அயர்லாந்துக்கு எதிராக 205 ரன்களும், 2024ல் இந்தியாவுக்கு எதிராக 196 ரன்களும், 2024ல் மேற்கிந்திய தீவுகள் அணிக்கு எதிராக 121 ரன்களும், 2024ல் தற்போது இலங்கைக்கு எதிராக 154 ரன்களும் எடுத்துள்ளார்.

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்