இந்திய ராணுவத்தில் மெடிக்கல் ஆபிசர் பணி: விண்ணப்பிப்பது எப்படி?

ITBP CAPF Medical Officers Recruitment 2024 | ஐ.டி.பி.பி குப் மருத்துவ அதிகாரி (ITBP CAPF MO) விண்ணப்பப் படிவத்தைச் சமர்ப்பிப்பதற்கான காலக்கெடு நவம்பர் 14 ஆகும்.

இந்திய ராணுவத்தில் மெடிக்கல் ஆபிசர் பணி

ByDravidan Times Bureau

Published on: October 22, 2024 at 11:28 am

ITBP CAPF Medical Officers Recruitment 2024 | இந்தோ-திபெத்தியன் எல்லைக் காவல் படை (ITBP) தற்போது குரூப் ஏ பதவிகளுக்கு 345 காலியிடங்களை நிரப்ப ஆட்சேர்ப்பு நடவடிக்கையை துவக்கி உள்ளது.

மத்திய ஆயுதக் காவல் படைகளில் (BSF, CRPF, ITBP, SSB) மற்றும் அசாம் ரைபிள்ஸ், உள்துறை அமைச்சகத்தில் உள்ள சூப்பர் ஸ்பெஷலிஸ்ட் மருத்துவ அதிகாரிகள் (இரண்டாவது-கமாண்ட்), சிறப்பு மருத்துவ அதிகாரிகள் (துணை கமாண்டன்ட்) மற்றும் மருத்துவ அதிகாரிகள் (உதவி கமாண்டன்ட்) ஆகியோர் அடங்குவர். ஆர்வமும் தகுதியும் உள்வர்கள் அதிகாரப்பூர்வ இணையதளமான recruitment.itbpolice.nic.in – இல் விண்ணப்பிக்கலாம்.

வயதுவரம்பு

சூப்பர் ஸ்பெஷலிஸ்ட் மெடிக்கல் ஆபீசர் பதவிக்கு விண்ணப்பிக்க, வரம்பு 50 வயதுக்கு மிகாமல் இருக்க வேண்டும். சிறப்பு மருத்துவ அதிகாரிகள் (துணை கமாண்டன்ட்), பதவிக்கு விண்ணப்பிக்க, 40 வயதுக்கு மிகாமல் இருக்க வேண்டும். கடைசியாக, மருத்துவ அதிகாரிகளுக்கான வயது வரம்பு (உதவி கமாண்டன்ட்) 30 வயதுக்கு மிகாமல் இருக்க வேண்டும். ஒதுக்கப்பட்ட பிரிவினருக்கு சிறப்பு வயது தளர்வு அளிக்கப்படும்.

விண்ணப்பிப்பது எப்படி?

முதலில் recruitment.itbpolice.nic.in என்ற அதிகாரப்பூர்வ இணையதளத்திற்குச் செல்லவும்.
முகப்புப் பக்கத்தில், புதிய பயனர் பதிவு (New User Registration) டேபை கிளிக் செய்யவும்.
தேவையான விவரங்களை உள்ளிடவும் மற்றும் பயனர் ஐடி மற்றும் பாஸ்வேர்டை உருவாக்கவும்.
உள்நுழைந்த பிறகு, விண்ணப்ப செயல்முறையைத் தொடரவும் மற்றும் படிவத்தை நிரப்பவும்.
அனைத்து விவரங்களையும் சரியாக கொடுத்துள்ளீர்களா என்பதை ஆராந்து சப்மிட் என்பதைக் கிளிக் செய்யவும்.
எதிர்கால குறிப்புக்காக படிவத்தை பிரிண்ட் எடுத்து வைத்துக்கொள்ளவும்.

தேர்வு செய்யும் முறை

ஆன்லைன் விண்ணப்பங்கள் ஏற்றுக்கொள்ளப்பட்ட விண்ணப்பதாரர்கள், குறிப்பிட்ட மையங்களில் நேர்காணல் சுற்றுக்கான தேதி, நேரம் மற்றும் இடம் பற்றிய தகவல்கள் அடங்கிய மின்-அட்மிட் கார்டைப் பெறுவார்கள். CAPFகள் மற்றும் அஸ்ஸாம் ரைபிள்ஸ் ஆகியவற்றில் பணியமர்த்துவதற்கான அவர்களின் தகுதியை தீர்மானிக்க, உடல் தரநிலை சோதனைகள் (PST) மற்றும் மருத்துவ பரிசோதனைகள் (MET) நடத்தப்படும்.

இதையும் படிங்க இந்திய ரயில்வேயில் 11 ஆயிரம் காலி பணியிடங்கள்: ஆன்லைனில் விண்ணப்பிப்பது எப்படி?