நடிகை கார் கண்ணாடி உடைப்பு; முகத்தை கிழித்த கண்ணாடி சிதில்கள்!

மேற்கு வங்கத்தில் நடிகை ஒருவரை, பைக் ரைடர் தாக்கிய சம்பவம் நடந்துள்ளது. அடையாளம் தெரியாத பைக் ரைடரால் தாக்கப்பட்ட நடிகை பாயல் முகர்ஜி ஆவார். இவர், மேற்கு வங்க தலைநகர் கொல்கத்தாவில் காரில் பயணித்துள்ளார். அப்போது வேகமாக வந்த பைக் ரைடர் ஒருவர் பாயல் பயணித்த காரில் மோதியுள்ளார்.

தொடர்ந்து கோபமுற்ற பைக் ரைடர், கார் கண்ணாடியை திறக்கும்படி கூறியுள்ளார். ஆனால், பாயல் முகர்ஜி கார் கண்ணாடியை திறக்க மறுத்துவிட்டார். இதனால் கோபமுற்ற பைக் ரைடர், பாயல் இருந்த காரின் கண்ணாடியை குத்தி உடைத்துள்ளார்.

அதில் இருந்து சிதறிய கண்ணாடி துகள்கள் பாயலின் முகம் மற்றும் உடலில் காயங்களை ஏற்படுத்தியுள்ளது. மேலும், இது குறித்து புகார் அளிக்க உள்ளதாக பாயல் முகர்ஜி கூறியுள்ளார்.

வாட்ஸ்அப்பில் தொடர https://tinyurl.com/5fraa2jz