வாழ்க்கைத் துணையிடம் இருக்க வேண்டிய குணங்கள் என்ன? மனம் திறந்த ஐஸ்வர்யா ராய்!

Aishwarya Rai on Life Partner Qualities: தனது வாழ்க்கைத் துணையிடம் இருக்க வேண்டிய குணங்கள் என்ன என்பது குறித்து மனம் திறந்த ஐஸ்வர்யா ராய்.

ஜஸ்வர்யா ராய்

ByThilahavathy P

Published on: October 21, 2026 at 1:19 pm

மும்பை, அக்.21, 2026: பாலிவுட் நடிகை ஐஸ்வர்யா ராய், தனது வாழ்க்கைத் துணையிடம் இருக்க வேண்டிய குணங்கள் குறித்து முன்பு அளித்த பேட்டி தற்போது மீண்டும் கவனம் பெற்றுள்ளது. நடிகை ஃபரிதா ஜலாலுடனான உரையாடலில், நகைச்சுவை உணர்வு கொண்டவராகவும், தன்னைப் பார்த்து தானே சிரித்துக்கொள்ளும் மனப்பக்குவம் உடையவராகவும் தனது துணை இருக்க வேண்டும் என அவர் தெரிவித்துள்ளார்.

மேலும், மற்றவர்களை மதிப்பவராகவும், எளிமையான குணம் கொண்டவராகவும் இருக்க வேண்டும் என்று ஐஸ்வர்யா கூறியுள்ளார். தாம் அனைவரிடமும் அன்பாகப் பழக விரும்பும் நபர் என்பதால், மற்றவர்களை அவர்களின் தன்மைக்காகக் குறை கூறாமல் ஏற்றுக்கொள்ளும் மனப்பான்மை தனது வாழ்க்கைத் துணையிடம் இருக்க வேண்டும் என்றும் அவர் குறிப்பிட்டுள்ளார்.

ஒரு உறவு நீண்ட காலம் நீடிப்பதற்கு அன்பு மட்டுமே போதாது என்றும், இருவருக்கும் இடையிலான பரஸ்பர புரிதலும் ஒத்துப்போகும் தன்மையும் மிகவும் முக்கியம் என்றும் ஐஸ்வர்யா தெரிவித்துள்ளார். இருவரின் எண்ணங்களும் குணங்களும் ஒன்றுக்கொன்று பொருந்துவது உறவை வலுப்படுத்தும் என அவர் விளக்கியுள்ளார்.

ஐஸ்வர்யா ராய், நடிகர் அபிஷேக் பச்சனை கடந்த 2007-ஆம் ஆண்டு திருமணம் செய்துகொண்டார். இருவரும் ‘குரு’, ‘தூம் 2’, ‘சர்கார் ராஜ்’, ‘ராவணன்’ உள்ளிட்ட பல திரைப்படங்களில் இணைந்து நடித்துள்ளனர். இவர்களுக்கு ஆராத்யா என்ற மகள் உள்ளார். இந்நிலையில், ஐஸ்வர்யா முன்பு பகிர்ந்த வாழ்க்கைத் துணை குறித்த கருத்துகள் மீண்டும் ரசிகர்களின் கவனத்தை ஈர்த்துள்ளன.

இதையும் படிங்க : ரன்வீர்- தீபிகா இரண்டாவது மகள் பெயர் தெரியுமா?