அந்தப் படத்தில் நடிக்கவில்லை; ஆனாலும்.. RRR குறித்து தீபிகா படுகோன்!

Actress Deepika Padukone: ஆர்.ஆர்.ஆர் திரைப்படத்திற்கு ஆஸ்கார் விருது கிடைத்தது தமக்கு மிகவும் மகிழ்ச்சியை கொடுத்தது எனக் கூறிய நடிகை தீபிகா படுகோன் ஆஸ்கார் திரைப்பட விழாவில் இந்திய திரைப்படங்கள் புறக்கணிக்கப்படுகின்றன” என்றார்.

நடிகை தீபிகா படுகோன்

ByAkila Ramakrishnan

Published on: March 25, 2025 at 5:55 pm

பாலிவுட் நடிகையான தீபிகா படுகோன் பேட்டி ஒன்றில், ” இந்திய திரைப்படங்கள் ஆஸ்கார் திரைப்பட விழாவில் புறக்கணிக்கப்படுகின்றன” என்ற குற்றச்சாட்டை முன் வைத்தார். தொடர்ந்து பேசிய நடிகை தீபிகா படுகோன், ” இந்தியாவில் நல்ல கதை அம்சம் கொண்ட பல்வேறு திரைப்படங்கள் வெற்றியை பெற்றுள்ளன; இதில் சில திரைப்படங்கள் ஆஸ்கார் விருதுக்கு பெயர் பெற்றவை.

ஆனால் இந்த திரைப்படங்கள் ஆஸ்கார் விழாவில் புறக்கணிக்கப்பட்டுள்ளன. இந்திய நடிகர் மற்றும் நடிகைகளும் ஆஸ்கார் விருதில் புறக்கணிக்கப்படுகின்றனர்” என்றார். தொடர்ந்து ஆஸ்கார் வென்ற ராஜமௌலியின் ஆர்.ஆர்.ஆர் திரைப்படம் குறித்து பேசிய நடிகை தீபிகா படுகோன், ” அந்தப் படத்தில் நான் நடிக்கவில்லை; இருந்தபோதிலும், ஒரு இந்தியனாக அந்த படத்திற்கு ஆஸ்கார் விருது கிடைத்தது என்னை பெருமை கொள்கிறேன்” என்றார்.

கர்நாடக மாநிலத்தைச் சேர்ந்த நடிகை தீபிகா படுகோன் பாலிவுட் பிரபலமான நடிகையாக திகழ்கிறார். இவர் தமிழில் ரஜினிகாந்த் உடன் கோச்சடையான் என்ற திரைப்படத்தில் நடித்திருந்தார்.
அண்மையில் வெளியான கல்கி திரைப்படத்திலும் முக்கிய கதாபாத்திரத்தில் தீபிகா படுகோன் தோன்றியிருந்தார். இந்த படத்தில் நடிகர் கமல்ஹாசனும் சிறப்பு தோற்றத்தில் நடித்திருந்தார் என்பது குறிப்பிடத்தக்கது.

இதையும் படிங்க மம்முட்டிக்காக சபரிமலை சென்ற மோகன்லால்.. வேண்டுதல் என்ன தெரியுமா?