மனைவியை பிரிந்தார் தனுஷ் : விவாகரத்து வழங்கியது நீதிமன்றம்

நடிகர் தனுஷ் – ஐஸ்வர்யாவுக்கு விவாகரத்து வழங்கி சென்னை குடும்ப நல நீதிமன்றம் தீர்ப்பு வழங்கியது.

நடிகர் தனுஷ் - ஐஸ்வர்யா

Actor Dhanush and Aishwarya Rajinikanth got divorce

ByDravidan Times Bureau

Published on: November 27, 2024 at 8:40 pm

Updated on: November 27, 2024 at 11:05 pm

Dhanush – Aishwarya Divorce Case | நடிகர் ரஜினிகாந்தின் மகள் ஐஸ்வர்யாவைவும், நடிகர் தனுஷ்-ம் 2004ல் காதலித்து திருமணம் செய்து கொண்டனர். இவர்களுக்கு, இரு மகன்கள் உள்ளனர். இந்நிலையில் கருத்துவேறுபாடு காரணமாக இருவரும் பிரிவதாக, 2022ல் அறிவித்தனர்.

இருவரும் பரஸ்பர விவாகரத்து கோரி, கடந்த ஏப்ரலில், சென்னை குடும்ப நல நீதிமன்றத்தில் மனுத்தாக்கல் செய்தனர். மனுவை விசாரித்த நீதிமன்றம், இருவரையும் நேரில் ஆஜராக, மூன்று முறை உத்தரவிட்டும், தனுஷ், ஐஸ்வர்யா ஆஜராகவில்லை. இதனால் இருவரும் சேர்ந்து வாழப்போவதாக தகவல் பரவியது.

இந்நிலையில், கடந்த 21ம் தேதி தனுஷ், ஐஸ்வர்யா ஆகியோர் ஆஜராகினர். அவர்களிடம் நீதிபதி, தனித்தனியாக விசாரணை நடத்தி, ‘இந்த விவகாரத்தில் சுயமாக சிந்தித்து, ஒரு முடிவை எடுக்கும் வகையில், உங்களுக்கு ஆறு மாதம் அவகாசம் வழங்கப்பட்டது. ‘இப்போதும் பரஸ்பர விவாகரத்து பெறுவதில் உறுதியாக இருக்கிறீர்களா அல்லது உங்கள் முடிவில் ஏதேனும் மாற்றம் உள்ளதா’ என்று, நீதிபதி கேட்டார்.

அதற்கு இருவருமே, ‘முடிவில் எந்த மாற்றமும் இல்லை. பரஸ்பர விவாகரத்து பெறுவதில் உறுதியாக இருக்கிறோம்’ என்று தெரிவித்தனர். இதை பதிவு செய்த நீதிபதி, இந்த வழக்கில் வரும் 27ல் உத்தரவு பிறப்பிக்கப்படும் என அறிவித்தார். இதனையடுத்து ஒருமித்த கருத்து அடிப்படையில் இருவருக்கும் விவாகரத்து வழங்கி இன்று நீதிமன்றம் தீர்ப்பு வழங்கியது.

இதையும் படிங்க 2 ஆண்டுகளாக ஒரு படம் கூட ரிலீஸ் இல்லை; ஆனாலும் ஸ்டார் பட்டியலில் அஜித்!