கனடா பொருட்களுக்கு 50% இறக்குமதி வரி.. டிரம்ப் அதிரடி உத்தரவு

Trade War: அமெரிக்க அதிபர் டொனால்டு டிரம்ப், கனடாவில் இருந்து இறக்குமதி செய்யப்படும் குறிப்பிட்ட பொருட்களுக்கு கூடுதலாக 50 சதவீத சுங்க வரி விதிப்பதாக அறிவித்துள்ளார். இந்த நடவடிக்கை அமெரிக்கா-கனடா வர்த்தக உறவில் புதிய பதற்றத்தை ஏற்படுத்தியுள்ளது.

அமெரிக்க அதிபர் டொனால்டு டிரம்ப்

BySaranya JK

Published on: July 21, 2026 at 11:57 am

Updated on: July 21, 2026 at 4:12 pm

வாஷிங்டன், ஜூலை 21, 2026 : அமெரிக்க அதிபர் டொனால்டு டிரம்ப், கனடாவில் இருந்து இறக்குமதி செய்யப்படும் குறிப்பிட்ட பொருட்களுக்கு கூடுதலாக 50 சதவீத இறக்குமதி (சுங்க) வரி விதிக்கப்படும் என்று அறிவித்துள்ளார். 1930-ஆம் ஆண்டு Tariff Act-இன் Section 338-ன் கீழ் இந்த நடவடிக்கை மேற்கொள்ளப்பட்டுள்ளதாக வெள்ளை மாளிகை தெரிவித்துள்ளது. புதிய வரி ஆகஸ்ட் 19, 2026 முதல் அமலுக்கு வரும்.

வாகனங்கள், மதுபானங்கள் மற்றும் பால் பொருட்கள் உள்ளிட்ட அமெரிக்க ஏற்றுமதிகளுக்கு கனடா பாகுபாடான வர்த்தக நடைமுறைகளை பின்பற்றுவதாக அமெரிக்கா குற்றம்சாட்டியுள்ளது. அதற்கு பதிலடியாகவே இந்த கூடுதல் 50 சதவீத வரி விதிக்கப்பட்டுள்ளதாக டிரம்ப் நிர்வாகம் விளக்கம் அளித்துள்ளது.

இந்த கூடுதல் வரி, கனடாவில் இருந்து அமெரிக்காவுக்கு ஏற்றுமதி செய்யப்படும் பல்வேறு பொருட்களுக்கு பொருந்தும். இருப்பினும், எரிசக்தி பொருட்கள், பொட்டாஷ், மீன் மற்றும் முக்கிய கனிமங்கள் போன்ற சில பிரிவுகளுக்கு இந்த வரியிலிருந்து விலக்கு அளிக்கப்பட்டுள்ளது.

இதற்கிடையில், கனடா பிரதமர் மார்க் கார்னி, வர்த்தக பிரச்சினைகளுக்கு பேச்சுவார்த்தை மூலமே தீர்வு காண விருப்பம் உள்ளதாக தெரிவித்துள்ளதுடன், அமெரிக்காவின் இந்த நடவடிக்கை இரு நாடுகளுக்கிடையேயான வர்த்தக பதற்றத்தை மேலும் அதிகரிக்கும் எனக் கூறியுள்ளார். இந்த அறிவிப்பு உலக வர்த்தக சந்தைகள் மற்றும் வட அமெரிக்க பொருளாதார உறவுகளில் புதிய தாக்கத்தை ஏற்படுத்தும் என பொருளாதார நிபுணர்கள் மதிப்பிடுகின்றனர்.

இதையும் படிங்க : இ.பி.எஃப்.ஓ அறிமுகப்படுத்திய விஸ்வாஸ் 2026.. அபராதம், இழப்பீடு நிலுவைகளுக்கு தீர்வு!