இந்தியப் பங்குச் சந்தைகள் புதிய உச்சம்; ஒரே நாளில் ரூ.4 லட்சம் கோடி லாபம்!

Sensex jumps 1000 points: இன்றைய வர்த்தகத்தில் சென்செக்ஸ் 100 புள்ளிகளுக்கு மேல் எழுச்சி பெற்றது. நிஃப்டி-50 மீண்டும் 24,300 என்ற நிலையை எட்டியது.

இந்திய பங்குச் சந்தை உயர்வு

BySaranya JK

Published on: April 28, 2025 at 7:35 pm

மும்பை, ஏப்.28 2025: இந்திய பங்குச் சந்தைகள், வாரத்தின் முதல் நாளான ஏப்ரல் 28 திங்கள்கிழமை ஆரோக்கியமான லாபத்தைக் கண்டன. உலகளாவிய குறியீடுகள் பெரும்பாலும் நேர்மறையாக இருந்த நிலையில், சென்செக்ஸ் மற்றும் நிஃப்டி தலா 1 சதவீதம் வரை உயர்வை கண்டன.

இந்நிலையில், நிஃப்டி 50 316 புள்ளிகள் அல்லது 1.3 சதவீதம் உயர்ந்து 24,355 என்ற நிலையை மீண்டும் எட்டியது. இறுதியாக, சென்செக்ஸ் 1,006 புள்ளிகள் அல்லது 1.27 சதவீதம் உயர்ந்து 80,218.37 புள்ளிகளில் நிறைவடைந்தது

மேலும், நிஃப்டி-50 289 புள்ளிகள் அல்லது 1.20 சதவீதம் உயர்ந்து 24,328.50 புள்ளிகளில் நிலைபெற்றது. இதற்கிடையில், பிஎஸ்இ மிட்கேப் மற்றும் ஸ்மால்கேப் குறியீடுகள் முறையே 1.34 சதவீதம் மற்றும் 0.39 சதவீதம் லாபத்துடன் முடிவடைந்தன.

இந்த நிலையில், மும்பை பங்குச் சந்தையில் (பிஎஸ்இ) பட்டியலிடப்பட்ட நிறுவனங்களின் ஒட்டுமொத்த சந்தை மூலதனம் முந்தைய அமர்வில் சுமார் ₹422 லட்சம் கோடியிலிருந்து கிட்டத்தட்ட ₹426 லட்சம் கோடியாக உயர்ந்தது.

இதனால் முதலீட்டாளர்கள் ஒரே நாளில் சுமார் ₹4 லட்சம் கோடி அளவுக்கு பணக்காரர்களாகினர் என்பது குறிப்பிடத்தக்கது.

இதையும் படிங்க : எஸ்.பி.ஐ டூ ஐ.சி.ஐ.சி.ஐ வரை.. ஃபிக்ஸட் டெபாசிட் முதலீடுக்கு எந்த வங்கியில் பெஸ்ட் ரிட்டன்?