ஃபிக்ஸட் டெபாசிட் முதலீடுக்கு 9.10 சதவீதம் வட்டி: இந்த வங்கிகளை செக் பண்ணுங்க!

FD interest rates: ஃபிக்ஸட் டெபாசிட் முதலீடுக்கு 9.10 சதவீதம் வட்டி வழங்கும் வங்கிகள் குறித்து பார்க்கலாம். இந்த வங்கிகள் எஃப்.டிக்கு மார்க்கெட்டில் பெஸ்ட் ரிட்டன் வழங்குகின்றன.

ஃபிக்ஸட் டெபாசிட் முதலீடு

BySaranya JK

Published on: April 28, 2025 at 12:35 pm

Updated on: April 28, 2025 at 12:36 pm

சென்னை, ஏப்.28 2025: இந்திய ரிசர்வ் வங்கி (RBI) 2025ஆம் ஆண்டில் பிப்ரவரி மற்றும் ஏப்ரல் என இரண்டு மாதங்களில் நடந்த பணவியல் கொள்கைக் கூட்டங்களில் அதன் ரெப்போ விகிதத்தை மொத்தம் 0.50% குறைத்துள்ளது. இதைத் தொடர்ந்து, நாட்டின் பெரிய மற்றும் சிறிய வங்கிகளும் கடன்கள் மற்றும் நிலையான வைப்புத்தொகைகள் (FDs) மீதான தங்கள் விகிதங்களைக் குறைத்துள்ளன.

இந்த நிலையில், வங்கிகள் வழங்கும் ஃபிக்ஸட் டெபாசிட் வட்டி விகிதங்கள் குறித்து பார்க்கலாம்.

ஸ்மால் ஃபைனான்ஸ் வங்கிகள்	அதிகப்பட்ச வட்டி விகிதம்	மூத்தக் குடிமக்கள் வட்டி விகிதம்
உஜ்ஜீவன் ஸ்மால் ஃபைனான்ஸ் வங்கி	8.05%	8.55%
உத்கர்ஷ் ஸ்மால் ஃபைனான்ஸ் வங்கி	8.50%	9.10%
சூர்யாடே ஸ்மால் ஃபைனான்ஸ் வங்கி	8.60%	9.10%
ஜனா ஸ்மால் ஃபைனான்ஸ் வங்கி	8.25%	8.75%
இ.எஸ்.ஏ.எஃப் ஸ்மால் ஃபைனான்ஸ் வங்கி	7.75%	8.25%
ஈக்விடாஸ் ஸ்மால் ஃபைனான்ஸ் வங்கி	8.05%	8.55%
ஏ.யூ ஸ்மால் ஃபைனான்ஸ் வங்கி	7.75%	8.25%

ஸ்மால் ஃபைனான்ஸ் வங்கி எஃப்.டி முதலீடு பாதுகாப்பானதா?

ஸ்மால் ஃபைனான்ஸ் வங்கிகளில் ஃபிக்ஸட் டெபாசிட்டுக்கு, வைப்புத்தொகை காப்பீடு மற்றும் கடன் உத்தரவாதக் கழகத்தின் (DICGC) கீழ் ரூ.5 லட்சம் வரை உத்தரவாதமும் கிடைக்கிறது. இதன் பொருள், ஏதேனும் அசம்பாவிதம் ஏற்பட்டாலும், ரூ.5 லட்சம் வரையிலான தொகை பாதுகாப்பாக இருக்கும் என்பது ஆகும்.

இதையும் படிங்க : கனரா வங்கி ஆட்டோ, ஹோம் லோன் வட்டி குறைப்பு.. வாடிக்கையாளர்களுக்கு குட் நியூஸ்!