ஐ.டி.எஃப்.சி ஃபர்ஸ்ட் வங்கி பங்குகள் 10 சதவீதம் உயர்வு.. அட நம்ம காட்டுல மழை பெய்யுது..!

IDFC First Bank: ஐ.டி.எஃப்.சி ஃபர்ஸ்ட் வங்கி பங்குகள் 10 சதவீதம் உயர்வு கண்டள்ளன.

ஐ.டி.எஃப்.சி ஃபர்ஸ்ட் வங்கி

BySaranya JK

Published on: July 27, 2026 at 1:21 pm

சென்னை, ஜூலை 27, 2026: ஐ.டி.எஃப்.சி ஃபர்ஸ்ட் வங்கி மற்றும் பேங்க் ஆஃப் பரோடா ஆகியவை 2027 நிதியாண்டின் முதல் காலாண்டு முடிவுகளை வெளியிட்டதைத் தொடர்ந்து வங்கிப் பங்குகள் முதலீட்டாளர்களின் கவனத்தை ஈர்த்துள்ளன. தேசிய பங்குச் சந்தையில் ஐ.டி.எஃப்.சி ஃபர்ஸ்ட் வங்கி பங்குகள் சுமார் 10% உயர்ந்து ரூ. 88.76 என்ற அதிகபட்ச விலையை எட்டின. மறுபுறம், பேங்க் ஆஃப் பரோடா பங்குகள் பெரிய மாற்றமின்றி, 0.5% உயர்வுடன் ரூ. 247.70-ஐத் தொட்டன.

ஐ.டி.எஃப்.சி ஃபர்ஸ்ட் வங்கியின் முடிவுகள் நிலையான முன்னேற்றத்தைக் காட்டின. இந்த நிலையில், நுவமா இன்ஸ்டிடியூஷனல் ஈக்விட்டிஸ் என்ற நிறுவனம் பங்கிற்கான பரிந்துரையை ‘Hold’ என்பதிலிருந்து ‘Buy’ என உயர்த்தியது. இந்த நிலையில், இலக்கு விலை ரூ. 67.3-லிருந்து ரூ. 95-ஆக உயர்த்தப்பட்டது. வங்கியின் ஆர்.ஓ.ஏ 2026-ல் 0.4%-ஆக இருந்த நிலையில், 2027-ல் 1%-ஆகவும், 2028-29-ல் 1.2% முதல் 1.4% வரை உயரும் என கணிக்கப்பட்டுள்ளது.

இதற்கிடையில், பேங்க் ஆஃப் பரோடாவின் முடிவுகள் கலவையானதாக அமைந்தன. செலவை நீக்கிப் பார்த்தால், பேங்க் ஆஃப் பரோடாவின் நிகர லாபம் ஆண்டுக்கு ஆண்டு 22% வளர்ந்திருக்கும். ஆர்.ஓ.ஏ 1.1%-ஆக இருந்திருக்கும். நிகர வட்டி வருவாய் 10% வளர்ந்தாலும், அது தரகு நிறுவனத்தின் மதிப்பீட்டிற்குக் குறைவாக இருந்தது. NIM 12 அடிப்படை புள்ளிகள் சரிந்தது. முக்கியக் கட்டண வருமானம் 22% சரிந்தது.

இருப்பினும், நிலையான சொத்து ஒதுக்கீடுகள் விடுவிக்கப்பட்டதால், ஒதுக்கீடுகள் கணிசமாகக் குறைக்கப்பட்டு லாபத்தன்மைக்கு ஆதரவளித்தது. பேங்க் ஆஃப் பரோடா, என்.எம்.சி ஹெல்த் வழக்குத் தீர்வின் தாக்கத்தை ஏற்றுக்கொண்ட பிறகு, FY27 முதல் காலாண்டில் தனது நிகர லாபத்தில் ஆண்டுக்கு ஆண்டு 72% சரிவைச் சந்தித்தது என்பது குறிப்பிடத்தக்கது.

இதையும் படிங்க : தங்கத்தில் முதலீடு.. பொறுமை சாமி, பொறுமை.. 28 சதவீதம் சரிவு.. பின்னணி என்ன?