RMC Chennai | தமிழகத்தில் 14 மாவட்டங்களில் மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது.
RMC Chennai | தமிழகத்தில் 14 மாவட்டங்களில் மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது.
Published on: October 30, 2024 at 9:56 am
RMC Chennai | தென்தமிழகத்தில் உள் மாவட்டங்களில் ஒரு சில இடங்களிலும், வட தமிழக மாவட்டங்கள் மற்றும் கடலோர பகுதிகளில் ஒருசில இடங்களிலும் மழை பெய்துள்ளது.
வானிலை முன்னறிவிப்பு
30.10.2024: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
31.10.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும்,
இடி, மின்னலுடன் கூடிய லேசானது முதல் மிதமான மழை பெய்யக்கூடும்.
01.11.2024: தமிழகத்தில் ஒருசில இடங்களிலும் புதுவை மற்றும் காரைக்கால் பகுதிகளிலும்,
இடி, மின்னலுடன் கூடிய லேசானது முதல் மிதமான மழை பெய்யக்கூடும். ஈரோடு, கிருஷ்ணகிரி, தர்மபுரி, சேலம், திருப்பத்தூர், நாமக்கல், திருச்சிராப்பள்ளி, தேனி, திண்டுக்கல், மதுரை மற்றும் கரூர் மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
02.11.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.
தென்காசி மற்றும் திருநெல்வேலி மாவட்டங்களின் மலைப்பகுதிகள், நீலகிரி. கோயம்புத்தூர், திருப்பூர், ஈரோடு, தேனி, திண்டுக்கல், விருதுநகர், மதுரை மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
03.11.2024 மற்றும் 04.11.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
29.10.2024: வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 35° செல்சியஸை ஒட்டியும், குறைந்தபட்ச வெப்பநிலை 27° செல்சியஸை ஒட்டியும் இருக்கக்கூடும்.
30.10.2024: வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 35-36* செல்சியஸை ஒட்டியும், குறைந்தபட்ச வெப்பநிலை 26-27° செல்சியஸை ஒட்டியும் இருக்கக்கூடும்.
31.10.2024 (தீபாவளி தினம்): வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 34-35* செல்சியஸை ஒட்டியும், குறைந்தபட்ச வெப்பநிலை 26-27″ செல்சியஸை ஒட்டியும் இருக்கக்கூடும்.
மீனவர்களுக்கான எச்சரிக்கை: ஏதுமில்லை என சென்னை வானிலை ஆய்வு மையம் தெரிவித்துள்ளது.
இதையும் படிங்க பசியில் காத்திருக்கும் பறவைகள்; மறைந்திருக்கும் 4 கிவி பழங்கள்: சரியா கண்டுபிடிச்சா நீங்க தான் கில்லி!
இஸ்லாமாபாத், ஜூலை 15, 2026: பாகிஸ்தானின் பிரதான மதகுரு முஃப்தி முஹம்மது தாகி உஸ்மானி, கராச்சியில் உள்ள தாருல் உலூம் மூலம் வெளியிட்ட புதிய ஃபத்வாவில் கிரிப்டோகரன்சி வர்த்தகம் ஹராம் என அறிவித்துள்ளார். இஸ்லாமிய சட்டத்தின் அடிப்படையில், கிரிப்டோகரன்சிகள் எந்தவிதமான உட்பொருள் மதிப்பும் இல்லாததால், அவை சூதாட்டம் மற்றும் அபாயகரமான முதலீடுகளுக்கு ஒப்பானவை என அவர் வலியுறுத்தியுள்ளார். இந்த அறிவிப்பு, பாகிஸ்தானில் கிரிப்டோ சந்தையைப் பயன்படுத்தும் முஸ்லிம் முதலீட்டாளர்களுக்கு பெரும் தாக்கத்தை ஏற்படுத்தக்கூடும்.
பாகிஸ்தான் அரசு தற்போது பரிவர்த்தனை மையங்கள், டோக்கன்கள் மற்றும் பிளாக்செயின் நிதி தொடர்பான ஒழுங்குமுறைகளை விரிவுபடுத்தி வருகிறது. நிதி பரிமாற்றங்களில் வெளிப்படைத்தன்மை மற்றும் பாதுகாப்பை உறுதி செய்யும் நோக்கில், அரசு பல்வேறு விதிமுறைகளை அறிமுகப்படுத்தி வருகிறது. இந்நிலையில், மத அடிப்படையிலான இந்தத் தீர்ப்பு, அரசின் நடவடிக்கைகளுக்கு கூடுதல் சிக்கலை ஏற்படுத்தும் வாய்ப்பு உள்ளது.
முஃப்தி உஸ்மானியின் ஃபத்வா, கிரிப்டோகரன்சிகள் “நாணயமாக” கருதப்பட முடியாது என்பதையும், அவற்றின் மதிப்பு சந்தை ஊகங்களின் அடிப்படையில் மட்டுமே நிர்ணயிக்கப்படுவதையும் சுட்டிக்காட்டுகிறது. இதனால், இஸ்லாமிய நிதி சட்டத்தின் அடிப்படையில், கிரிப்டோ முதலீடுகள் சட்டபூர்வமானவை அல்ல என அவர் வலியுறுத்தியுள்ளார். இதேவேளை, சில மதகுருக்கள் கிரிப்டோ தொழில்நுட்பத்தின் பயன்பாட்டை ஆராய்ந்து, பிளாக்செயின் அடிப்படையிலான நிதி சேவைகள் ஹலாலாக இருக்கக்கூடும் என வாதிடுகின்றனர்.
இந்த அறிவிப்பு, பாகிஸ்தானில் கிரிப்டோ சந்தையின் எதிர்காலத்தைப் பற்றிய விவாதங்களை தீவிரப்படுத்தும். முதலீட்டாளர்கள் மத சட்டத்தையும், அரசின் ஒழுங்குமுறைகளையும் கருத்தில் கொண்டு தங்கள் முடிவுகளை எடுக்க வேண்டிய நிலை உருவாகியுள்ளது. கிரிப்டோகரன்சி உலகளாவிய அளவில் வேகமாக வளர்ந்து வரும் நிலையில், பாகிஸ்தானில் மத மற்றும் அரசியல் காரணிகள் இணைந்து அதன் வளர்ச்சியைத் தடுக்கக்கூடும் என்பது குறிப்பிடத்தக்கது.
இதையும் படிங்க :இந்திய ரிசர்வ் வங்கி குறைதீர் கூட்டம்.. வங்கி, என்.பி.எஃப்.சி நிறுவன அதிகாரிகள் பங்கேற்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
சென்னை, ஜூலை 15, 2026: சாமிதோப்பு அருகே குட்கா புகையிலைப் பொருட்கள் விற்றதாகக் கூறி கைது செய்யப்பட்ட மாற்றுத்திறனாளி சபரிவர்மன் சிறையில் உயிரிழந்த சம்பவம் குறித்து தேமுதிக பொதுச்செயலாளர் பிரேமலதா விஜயகாந்த் கடும் கவலை தெரிவித்துள்ளார். இந்த சம்பவம் தொடர்பாக வெளியிட்டுள்ள அறிக்கையில், மரணத்தின் உண்மை நிலை முழுமையாக வெளிக்கொணரப்பட வேண்டும் என்று அவர் வலியுறுத்தியுள்ளார்.
சபரிவர்மனின் உடற்கூறாய்வு அறிக்கையில் அவரது உடலில் 19 இடங்களில் காயங்கள் இருந்ததாக தகவல் வெளியாகியுள்ளது என்றும், இந்த விவகாரம் தீவிரமான மற்றும் வெளிப்படையான விசாரணைக்கு உட்படுத்தப்பட வேண்டிய ஒன்று என்றும் பிரேமலதா விஜயகாந்த் குறிப்பிட்டுள்ளார்.
இந்த சம்பவத்தைத் தொடர்ந்து 3 போலீசார் பணியிடை நீக்கம் செய்யப்பட்டிருப்பது வரவேற்கத்தக்க ஆரம்ப நடவடிக்கையாக இருந்தாலும், “பணியிடை நீக்கம் மட்டுமே தீர்வாகாது” என்று அவர் தெரிவித்துள்ளார். சம்பவத்துக்கு காரணமானவர்கள் மீது சட்டப்படி முழுமையான நடவடிக்கை எடுக்கப்பட வேண்டும் என்றும் அவர் வலியுறுத்தியுள்ளார்.
மேலும், தமிழகத்தில் இனி எந்த இடத்திலும் லாக்கப் மரணங்கள் அல்லது காவல் பாதுகாப்பில் உயிரிழப்புகள் நடைபெறாத வகையில் அரசு உறுதியான நடவடிக்கைகளை மேற்கொள்ள வேண்டும் என்றும், காவலில் உள்ளவர்களின் உயிர் மற்றும் மனித உரிமைகளை பாதுகாக்கும் வகையில் காவல்துறையின் செயல்பாடுகள் மேலும் வலுப்படுத்தப்பட வேண்டும் என்றும் தேமுதிக பொதுச்செயலாளர் பிரேமலதா விஜயகாந்த் தனது அறிக்கையில் வலியுறுத்தியுள்ளார்.
இதையும் படிங்க: 124-வது பிறந்தநாள்: பெருந்தலைவர் காமராஜருக்கு முதலமைச்சர் விஜய் மரியாதை
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
நாட்டின் இன்றைய முக்கிய நிகழ்வுகள், நடப்புகள் குறித்து இதில் சுருக்கமாக பார்க்கலாம். சென்னையில் (ஜுலை 15 2026) ஆபரணத் தங்கத்தின் விலை, கிராம் ரூ. 13,180 சவரன் ரூ. 105,440. சென்னையில் பெட்ரோல் விலை லிட்டர் ரூ. 107.76 ஆகவும், டீசல் விலை ரூ. 99.55 ஆகவும் நிர்ணயிக்கப்பட்டுள்ளது.
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
சென்னை, ஜூலை 15, 2026: நாகர்கோவில் சிறையில் விசாரணைக் கைதி உயிரிழந்த சம்பவம் பெரும் அதிர்வலைகளை ஏற்படுத்தியுள்ள நிலையில், இந்த வழக்கை மத்திய புலனாய்வு அமைப்பான சி.பி.ஐ.க்கு மாற்றி விசாரிக்க வேண்டும் என்று பா.ம.க. தலைவர் டாக்டர் அன்புமணி ராமதாஸ் வலியுறுத்தியுள்ளார்.
இதுதொடர்பாக அவர் வெளியிட்டுள்ள அறிக்கையில், சம்பவம் குறித்து பொதுமக்கள் மத்தியில் பல்வேறு சந்தேகங்கள் எழுந்துள்ளதாக தெரிவித்துள்ளார்.
சிறையில் பாதுகாப்பில் இருந்த விசாரணைக் கைதி உயிரிழந்த விவகாரத்தில் முழுமையான உண்மை வெளிச்சத்துக்கு வர வேண்டும் என்றால், தமிழக அரசின் விசாரணை மட்டும் போதாது. சுயாதீனமான அமைப்பான சி.பி.ஐ. மூலம் விசாரணை நடத்தப்பட வேண்டும் என்றும் அன்புமணி ராமதாஸ் கூறியுள்ளார்.
மேலும், இந்த வழக்கின் விசாரணை சென்னை உயர்நீதிமன்றத்தின் கண்காணிப்பில் நடைபெற வேண்டும் என்றும், சம்பவத்துக்கு காரணமானவர்கள் யாராக இருந்தாலும் அவர்கள் மீது சட்டப்படி கடுமையான நடவடிக்கை எடுக்கப்பட வேண்டும் என்றும் அவர் வலியுறுத்தியுள்ளார்.
அதிமுக ஆட்சியில் சாத்தான்குளம் பெனிக்ஸ், ஜெயராஜ், திமுக ஆட்சியில் மடப்புரம் அஜித்குமார் வரிசையில் தவெக ஆட்சியில் சபரிநாதனின் படுகொலை நிகழ்த்தப்பட்டுள்ளது.
தொடக்கத்திலிருந்தே இந்த கொலையை மூடி மறைக்க முயற்சிகள் நடந்த நிலையில், தமிழக காவல்துறையினர் விசாரித்தால் இந்த வழக்கில் நீதி கிடைக்காது. எனவே, சாத்தான்குளம், மடப்புரம் வழக்கின் விசாரணைகள் எவ்வாறு சிபிஐக்கு மாற்றப்பட்டனவோ? அதேபோல், இந்த வழக்கும் இந்த வழக்கும் சிபிஐ விசாரணைக்கு மாற்றப்பட வேண்டும். இந்த வழக்கில் கைது செய்யப்பட்ட சிறைக் காவலர்களுக்கு வழக்கின் விசாரணை முடியும் வரை பிணை மறுக்கப்படுவதை அரசு உறுதி செய்ய வேண்டும்.
தமிழ்நாட்டில் ஆட்சி மாற்றம் ஏற்பட்டதற்கு பிந்தைய இரு மாதங்களில் காவல்துறையினரின் காவலில் இருந்த 4 பேர் மர்மமான முறையில் உயிரிழந்துள்ளனர்.
அதற்கான காரணங்களை கண்டறியவும் விசாரணைக்கு ஆணையிட வேண்டும். கொடூரமாக கொல்லப்பட்ட சபரிநாதனின் குடும்பத்தினருக்கு ரூ.50 லட்சம் இழப்பீடும், அவரது மனைவிக்கு அரசு வேலையும் வழங்கவும் தமிழ்நாடு அரசு நடவடிக்கை மேற்கொள்ள வேண்டும் என டாக்டர் அன்புமணி ராமதாஸ் தனது அறிக்கையில் தெரிவித்துள்ளார்
இதையும் படிங்க மாதாந்திர பராமரிப்பு பணி… தென்காசி மாவட்டத்தில் நாளை மின்தடை அறிவிப்பு
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
அமராவதி, ஜூலை 15, 2026: ஜூனியர் என்.டி.ஆர் அரசியலில் நுழைகிறார் என்ற வதந்திகள் தொடர்பாக அவரது அலுவலகம் தெளிவுபடுத்தியுள்ளது. முன்னதாக, ஜூனியர் என்.டி.ஆர் ரசிகர்கள் வெளியிட்ட அறிவிப்பின் காரணமாக, அவர் விரைவில் அரசியலில் பங்கேற்கிறார் என்ற தவறான புரிதல்கள் பரவின.
ஆனால், நடிகர் தனது அலுவலகம் மூலம் வெளியிட்ட அறிக்கையில், அந்த நிகழ்வுக்கும் தனக்கும் எந்தவிதமான தொடர்பும் இல்லை என்று விளக்கம் அளித்துள்ளார்.
அந்த அறிக்கையில், ‘ரா என்.டி.ஆர்’ என்ற பெயரில் செயல்படும் ஒரு அமைப்பு, நடிகருடன் தொடர்புடையவர் என்ற தோற்றத்தை உருவாக்கும் நடவடிக்கைகளை மேற்கொண்டு வருவதாக குறிப்பிடப்பட்டுள்ளது. ஆனால், அந்த அமைப்புக்கும் ஜூனியர் என்.டி.ஆருக்கும் எந்தவிதமான இணைப்போ, ஈடுபாடோ இல்லை என்று அவர் தெளிவுபடுத்தியுள்ளார்.
மேலும், அந்த அமைப்பு நடிகரைப் பிரதிநிதித்துவப்படுத்தவோ அல்லது அவர் சார்பாக தொடர்புகொள்ளவோ அங்கீகரிக்கப்படவில்லை என்றும் அறிக்கை வலியுறுத்துகிறது. “திரு. என்.டி.ஆர் சம்பந்தப்பட்ட எந்தவொரு தொண்டு முயற்சி, பொதுநலச் செயல்பாடு, அதிகாரப்பூர்வத் தொடர்பு அல்லது இணைப்பு ஆகியவை திரு. என்.டி.ஆர் அல்லது அவரது அதிகாரப்பூர்வக் குழு மூலமாக மட்டுமே தெரிவிக்கப்படும்” என்று குறிப்பிட்டுள்ளது.
இதன் மூலம், ஜூனியர் என்.டி.ஆர் அரசியலில் நுழைகிறார் என்ற வதந்திகள் அடிப்படையற்றவை என்பதை அவரது அலுவலகம் உறுதிப்படுத்தியுள்ளது. ரசிகர்களின் அறிவிப்பால் ஏற்பட்ட குழப்பத்தை அவர் நேரடியாக விளக்கி, தனது பெயரை தவறாக பயன்படுத்தும் அமைப்புகளுக்கு எச்சரிக்கை விடுத்துள்ளார்.
இதையும் படிங்க : தெலுங்கில் முதல் படம்.. வாரணாசி குறித்து பிரியங்கா சோப்ரா!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
