சென்னை ரயில் விபத்து; தடம் புரண்ட 12 பெட்டிகள்: 19 பேர் காயம்!

Passenger train accident in Chennai | சென்னையில் பயணிகள் ரயில் தடம் புரண்டு விபத்துக்குள்ளானதில் 19 பயணிகள் காயமுற்றனர்.

சென்னையில் பயணிகள் ரயில் விபத்து

ByDravidan Times Bureau

Published on: October 12, 2024 at 1:12 pm

Passenger train accident in Chennai | சென்னை கோட்டத்தில் உள்ள கவரைப்பேட்டையில் நேற்று (வெள்ளிக்கிழமை) 12578 மைசூரு-தர்பங்கா பாக்மதி எக்ஸ்பிரஸ் ரயில் நின்று கொண்டிருந்த சரக்கு ரயில் மீது மோதி விபத்துக்குள்ளானது. ரயில் மெயின் லைனுக்குப் பதிலாக ஒரு லூப் லைனில் நுழைந்ததில் இந்த விபத்து ஏற்பட்டுள்ளது. விபத்தில் 2 பெட்டிகள் தீ பிடித்து எரிந்தன.

மேலும், 12 முதல் 13 பெட்டிகள் வரை தடம் புரண்டது. இதுகுறித்து தெரிவித்த திருவள்ளூர் மாவட்ட ஆட்சியர் டாக்டர் பிரபுசங்கர் ரயிலில் 1,360 பயணிகள் இருந்ததாக தெரிவித்தார். மேலும், பயணிகளில் 19 பேர் காயமடைந்துள்ளதாகவும் அவர்களில் 4 பேர் பலத்த காயமடைந்துள்ளதாகவும் தெரிவிக்கப்பட்டுள்ளது. அவர்கள் உடனடியாக அருகில் உள்ள மருத்துவமனைக்கு கொண்டு செல்லப்பட்டனர் என்றார். இதுவரை உயிர்ச்சேதம் எதுவும் ஏற்படவில்லை.

நள்ளிரவுக்குப் பிறகு, அங்கு சிக்கித் தவித்த பயணிகள் எம்டிசி பேருந்துகள் மூலம் டாக்டர் எம்ஜிஆர் சென்னை சென்ட்ரல் ரயில் நிலையத்துக்குக் கொண்டு செல்லப்பட்டனர். அதிகாலையில், அங்கிருந்து சிறப்பு ரயில் மூலம், சிக்கித் தவித்த பயணிகள் அவர்கள் செல்ல வேண்டிய இடங்களுக்கு அனுப்பி வைக்கப்பட்டனர். பயணிகளுக்கு உணவு மற்றும் தண்ணீர் வழங்கப்பட்டது.

ரயில்வே பாதுகாப்பு ஆணையர் (சிஆர்எஸ்) அனந்த் மதுகர் சவுத்ரி விபத்து நடந்த இடத்தை ஆய்வு மேற்கொண்டார். விபத்து காரணமாக 18அ ரயில்கள் ரத்து செய்யப்பட்டுள்ளது. விபத்து குறித்து தமிழக முதலமைச்சர் மு.க.ஸ்டாலின் அதிர்ச்சி தெரிவித்து பதிவிட்டுள்ளார்.

திருவள்ளூர் மாவட்டம் கவரைப்பேட்டையில் இரயில் விபத்து நடந்ததை அறிந்து அதிர்ச்சியடைந்தேன்.

தகவல் கிடைக்கப்பெற்றவுடன், மாண்புமிகு அமைச்சர் @Avadi_Nasar அவர்களையும் மற்றும் மாவட்ட ஆட்சியர் உள்ளிட்ட அரசு அதிகாரிகளையும் விபத்து நடந்த இடத்திற்குச் செல்ல உத்தரவிட்டேன்.

மீட்பு மற்றும்…
— M.K.Stalin (@mkstalin) October 11, 2024

அதிகாரிகள் அளித்த தகவலின்படி, மறுசீரமைப்பு நிறைவடைய 24 மணி நேரம் ஆகலாம். அதாவது, சனிக்கிழமை மாலைக்குள் இந்த பாதையில் ரயில் சேவைகள் மீண்டும் தொடங்கும் என்று எதிர்பார்க்கப்படுகிறது.

இதையும் படிங்க

இது தமிழ்நாடா… இல்லை காடா? அன்புமணி ராமதாஸ் கேள்வி
Anbumani Ramadoss: இது தமிழ்நாடா… இல்லை காடா? செம்மண் கடத்தல் குறித்து செய்தி சேகரித்த செய்தியாளர் தாக்கிய கும்பல் மீது கடுமையான நடவடிக்கை வேண்டும்” என பா.ம.க. தலைவர் மருத்துவர் அன்புமணி ராமதாஸ் வலியுறுத்தியுள்ளார்.
திராவிட இயக்கத்தை அழிக்க முடியாது; ஸ்டாலினை சந்தித்த பின் வைகோ பேட்டி!
Vaiko: திமுக தலைவரும் முதலமைச்சருமான மு க ஸ்டாலினை சந்தித்தபின் செய்தியாளர்களை சந்தித்த அதிமுக பொதுச் செயலாளர் வைகோ திராவிட இயக்கத்தை யாராலும் அழிக்க முடியாது என்றார்.
கல்வியை இறுக பற்றிக் கொள்ளுங்கள்; தந்தையைப் போல் மகிழ்கிறேன்.. மு.க ஸ்டாலின்!
MK Stalin: “ஒவ்வொரு மாணவ மாணவியரும் கல்வியை இறுக பற்றிக் கொள்ள வேண்டும் எனக் கூறிய தமிழக முதலமைச்சர் மு க ஸ்டாலின் ஒரு தந்தையைப் போல் மகிழ்கிறேன்” என்றார்.
சிவகங்கை இளைஞர் லாக்அப் மரணம்; வீடியோ சமர்பித்த வழக்குரைஞர்!
Sivaganga Lockup Death: சிவகங்கையில் காவல் நிலையத்தில் இளைஞர் மரணித்த சம்பவம் பெரும் பரபரப்பை ஏற்படுத்தியுள்ளது.
கடிதம் எழுதுவதோடு கடமை முடிந்துவிட்டதா? டி.டி.வி தினகரன்
TTV Dinakaran: இலங்கை கடற்படையினரால் தமிழக மீனவர்கள் தொடர்ந்து கைது செய்யப்படும் நிலையில் கடிதம் எழுதுவதோடு தனது கடமை முடிந்துவிட்டது என மு.க. ஸ்டாலின் கருதுகிறார் என டி.டி.வி தினகரன் குற்றஞ்சாட்டியுள்ளார்.