Keerthy Suresh Bollywood Entry: ஹிந்தி திரையுலகில் நுழைய விரும்பினேன்; ஆனால் அவசரப்படவில்லை என கீர்த்தி சுரேஷ் தெரிவித்துள்ளார்.
Keerthy Suresh Bollywood Entry: ஹிந்தி திரையுலகில் நுழைய விரும்பினேன்; ஆனால் அவசரப்படவில்லை என கீர்த்தி சுரேஷ் தெரிவித்துள்ளார்.
Published on: October 28, 2026 at 12:15 pm
சென்னை, அக்.28, 2026: தேசிய விருது பெற்ற நடிகை கீர்த்தி சுரேஷ், ஹிந்தி திரையுலகில் நடிக்க வேண்டும் என்ற விருப்பம் தனக்கு இருந்ததாகவும், அதற்காகப் போட்டி போடுவதுபோல் அவசரப்படவில்லை என்றும் தெரிவித்துள்ளார். வாய்ப்புகள் இயல்பாக அமைந்தபோது ஹிந்தி படங்களில் நடிக்கத் தொடங்கியதாக அவர் கூறியுள்ளார்.
வருண் தவான் நடிப்பில் 2024-ஆம் ஆண்டு வெளியான ‘பேபி ஜான்’ திரைப்படம் மூலம் கீர்த்தி சுரேஷ் ஹிந்தி சினிமாவில் அறிமுகமானார். தொடர்ந்து, ராஜ்குமார் ராவுடன் ‘ராஃப்தார்’ என்ற திரைப்படத்திலும் நடித்துள்ளார். இந்தப் படம் விரைவில் வெளியாகும் என எதிர்பார்க்கப்படுகிறது.
தற்போது கீர்த்தி சுரேஷ், ராதிகா ஆப்தேவுடன் இணைந்து நடித்துள்ள ‘அக்கா’ என்ற ஹிந்தி இணையத் தொடரின் வெளியீட்டிற்காகக் காத்திருக்கிறார். 1980-களின் பின்னணியில், கற்பனையான ஓர் அரசில் அதிகாரத்திற்காகப் போட்டியிடும் இரு பெண்களை மையமாகக் கொண்டு இத்தொடர் உருவாக்கப்பட்டுள்ளது. இதனை தர்மராஜ் ஷெட்டி இயக்கியுள்ளார்.
இந்தத் தொடரில் நடித்த அனுபவம் குறித்துப் பேசிய கீர்த்தி சுரேஷ், மொழியை விடக் கதையும் கதாபாத்திரமும் தனக்கு முக்கியம் என்று தெரிவித்துள்ளார். புதுமையான கதைகளிலும், இதுவரை ஏற்று நடிக்காத கதாபாத்திரங்களிலும் நடிக்க விரும்புவதாகக் கூறிய அவர், ‘அக்கா’ தொடர் வரும் அக்டோபர் 30-ஆம் தேதி நெட்ஃபிளிக்ஸ் தளத்தில் வெளியாகும் என்றும் தெரிவித்துள்ளார்.
இதையும் படிங்க : ரஜினிகாந்தின் ‘தர்மன்’ படத்தில் இணைந்தார் நயன்தாரா.. பரபரப்பு தகவல்கள்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
