33 Entomologists Appointed: தமிழகத்தில் 33 மூத்த பூச்சியியல் நிபுணர்கள் நியமனம் செய்யப்பட்டுள்ளனர்.
33 Entomologists Appointed: தமிழகத்தில் 33 மூத்த பூச்சியியல் நிபுணர்கள் நியமனம் செய்யப்பட்டுள்ளனர்.
Published on: October 27, 2026 at 11:04 am
Updated on: October 27, 2026 at 11:06 am
சென்னை, அக்.27, 2026: தமிழகத்தில் டெங்கு, மலேரியா, சிக்குன்குனியா உள்ளிட்ட கொசுக்களால் பரவும் நோய்களைக் கட்டுப்படுத்தும் நோக்கில், 33 மூத்த பூச்சியியல் நிபுணர்களை (Senior Entomologists) தமிழக அரசு நியமித்துள்ளது. தமிழ்நாடு அரசுப் பணியாளர் தேர்வாணையம் (TNPSC) மூலம் தேர்வு செய்யப்பட்டவர்களுக்குச் சென்னையில் நடைபெற்ற நிகழ்ச்சியில், மக்கள் நல்வாழ்வுத்துறை அமைச்சர் கே.ஜி. அருண்ராஜ் பணி நியமன ஆணைகளை வழங்கினார்.
தமிழகத்தில் உள்ள 45 சுகாதார மாவட்டங்களில், 40-க்கும் மேற்பட்ட மாவட்டங்களில் பூச்சியியல் நிபுணர் பணியிடங்கள் காலியாக இருந்ததாகக் கூறப்படுகிறது. மொத்தம் 69 பணியிடங்களில், இந்த நியமனங்களுக்கு முன்பு 17 பேர் மட்டுமே பணியில் இருந்தனர். சுமார் 30 ஆண்டுகளாக இப்பணியிடங்களுக்கு நேரடி நியமனம் நடைபெறாத நிலையில், தற்போது இந்த நடவடிக்கை மேற்கொள்ளப்பட்டுள்ளது.
புதிதாக நியமிக்கப்பட்ட நிபுணர்கள் மாவட்ட அளவில் கொசுக்களின் பெருக்கத்தைக் கண்காணித்தல், கொசு உற்பத்தி இடங்களைக் கண்டறிதல், நோய்ப் பரவல் அபாயங்களை மதிப்பிடுதல் மற்றும் தடுப்பு நடவடிக்கைகளை ஒருங்கிணைத்தல் உள்ளிட்ட பணிகளில் ஈடுபடுவார்கள். மேலும், கூடுதலாக 13 மூத்த பூச்சியியல் நிபுணர்களை நியமிப்பதற்கான அறிவிப்பையும் அரசு வெளியிட்டுள்ளது. வடகிழக்குப் பருவமழைக் காலத்தில் கொசுக்களால் பரவும் நோய்களைக் கட்டுப்படுத்த இந்த நடவடிக்கை உதவும் என எதிர்பார்க்கப்படுகிறது.
இதையும் படிங்க : அன்பில் மகேஷ் கைது.. பின்னணி என்ன?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
