Annamalai Local Body Polls: தமிழகத்தின் 234 தொகுதிகளிலும் தலைவர்களை உருவாக்குவோம்; உள்ளாட்சித் தேர்தலில் போட்டியிடுவோம் என அண்ணாமலை அறிவித்துள்ளார்.
Annamalai Local Body Polls: தமிழகத்தின் 234 தொகுதிகளிலும் தலைவர்களை உருவாக்குவோம்; உள்ளாட்சித் தேர்தலில் போட்டியிடுவோம் என அண்ணாமலை அறிவித்துள்ளார்.
Published on: October 14, 2026 at 3:42 pm
திருவாரூர், அக்.14, 2026: தமிழகத்தில் நடைபெறவுள்ள உள்ளாட்சித் தேர்தலில், தனது ‘வீ த லீடர்ஸ்’ (We the Leaders) அமைப்பு சார்பில் வேட்பாளர்களைக் களமிறக்க உள்ளதாக அதன் நிறுவனர் கே. அண்ணாமலை தெரிவித்துள்ளார். தமிழகத்தின் 234 சட்டமன்றத் தொகுதிகளிலும் தலைவர்களை உருவாக்கி, அரசியலில் மாற்றத்தை ஏற்படுத்துவதே தங்களது நோக்கம் என்றும் அவர் கூறினார்.
திருவாரூர் மாவட்டம் மன்னார்குடியில் 11 ஏக்கர் பரப்பளவில் 15,000 மரக்கன்றுகள் நடும் நிகழ்ச்சியில் பங்கேற்ற பின்னர், அமைப்பின் உறுப்பினர்களிடையே அண்ணாமலை பேசினார். ஒவ்வொரு கிராமத்திலும் மாற்றத்தை ஏற்படுத்தவும், மக்களின் அடிப்படைப் பிரச்சினைகளுக்குத் தீர்வு காணவும் தன்னலமற்ற உள்ளூர் தலைவர்கள் உருவாக்கப்பட வேண்டும் என்று அவர் வலியுறுத்தினார்.
தமிழக அரசியலில் கட்சித் தாவல் உள்ளிட்ட செயல்பாடுகள் அதிகரித்துள்ளதாகக் குற்றம்சாட்டிய அண்ணாமலை, நேர்மையான மற்றும் மக்கள் நலன் சார்ந்த அரசியலை முன்னெடுக்க ‘வீ த லீடர்ஸ்’ அமைப்பு பாடுபடும் என்றார். தேர்தலின்போது மட்டுமல்லாமல், மற்ற நேரங்களிலும் மக்களுடன் தொடர்பில் இருந்து அவர்களின் தேவைகளை நிறைவேற்றும் தலைவர்கள் அவசியம் என்றும் குறிப்பிட்டார்.
மேலும், ‘வீ த லீடர்ஸ்’ அமைப்பு எதிர்காலத்தில் அரசியல் கட்சியாக உருவெடுத்து, அடுத்தடுத்த தேர்தல்களிலும் போட்டியிடும் என்று அண்ணாமலை தெரிவித்தார். உள்ளாட்சித் தேர்தலில் போட்டியிடுவதன் மூலம் கிராமங்கள் தோறும் சமூக மாற்றத்தை ஏற்படுத்தவும், மக்களின் நலனுக்காகச் செயல்படும் புதிய தலைமையை உருவாக்கவும் திட்டமிட்டுள்ளதாக அவர் கூறினார்.
இதையும் படிங்க : ஞானேஷ் குமாரை பதவி நீக்கம் செய்ய வலியுறுத்தி நாளை சென்னையில் ஆர்ப்பாட்டம்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
