Rahul Gandhi: ராகுல் காந்தி மனுவில் 10-க்கும் மேற்பட்ட குறைகள் இருப்பதை உச்சநீதிமன்றப் பதிவகம் சுட்டிக்காட்டியுள்ளது.
Rahul Gandhi: ராகுல் காந்தி மனுவில் 10-க்கும் மேற்பட்ட குறைகள் இருப்பதை உச்சநீதிமன்றப் பதிவகம் சுட்டிக்காட்டியுள்ளது.
Published on: October 13, 2026 at 4:30 pm
Updated on: October 13, 2026 at 4:31 pm
புதுடெல்லி, அக்.13, 2026: வாக்காளர் பட்டியலின் சிறப்பு தீவிர திருத்தப் பணியான எஸ்ஐஆர் நடவடிக்கையில் முறைகேடுகள் மற்றும் பெருமளவில் வாக்காளர்கள் நீக்கப்பட்டதாகக் கூறி, காங்கிரஸ் மூத்த தலைவர் ராகுல் காந்தி உள்ளிட்ட எதிர்க்கட்சித் தலைவர்கள் உச்சநீதிமன்றத்தில் மனுத் தாக்கல் செய்தனர். இந்த மனுவில் 10-க்கும் மேற்பட்ட குறைகள் இருப்பதாக உச்சநீதிமன்றப் பதிவகம் சுட்டிக்காட்டியுள்ளது.
மனுவில் இணை மனுதாரராக உள்ள காங்கிரஸ் தலைவர் மல்லிகார்ஜுன கார்கேவின் அடையாள அட்டையின் தெளிவான நகலைச் சமர்ப்பிக்குமாறு மனுவைத் தாக்கல் செய்த வழக்கறிஞரிடம் பதிவகம் கேட்டுள்ளது. மேலும், மனுவில் சில பக்கங்கள் தெளிவாக இல்லாததுடன், சில பக்கங்கள் விடுபட்டிருப்பதாகவும் தெரிவிக்கப்பட்டுள்ளது.
நீதிமன்றக் கட்டணத்திலும் ரூ.200-க்கும் மேல் குறைவாகச் செலுத்தப்பட்டுள்ளதாகப் பதிவகம் குறிப்பிட்டுள்ளது. இந்தக் குறைகளைச் சரிசெய்து தேவையான ஆவணங்களைச் சமர்ப்பித்த பிறகே மனு விசாரணைக்குப் பட்டியலிடப்படுவதற்கான நடைமுறைகள் தொடரும்.
எஸ்ஐஆர் நடவடிக்கையின்போது வாக்காளர் பட்டியலில் மேற்கொள்ளப்பட்ட நீக்கங்கள் மற்றும் திருத்தங்களை ஆய்வு செய்ய, ஓய்வுபெற்ற உச்சநீதிமன்ற நீதிபதி தலைமையில் சுயாதீனக் குழு அமைக்க வேண்டும் என்பது மனுவின் முக்கியக் கோரிக்கையாகும். மேலும், உரிய அறிவிப்பும் நியாயமான வாய்ப்பும் வழங்காமல் எந்த வாக்காளரையும் பட்டியலிலிருந்து நீக்கக் கூடாது என்றும், வழக்கு நிலுவையில் இருக்கும் வரை எஸ்ஐஆர் நடவடிக்கையை நிறுத்திவைக்க வேண்டும் என்றும் மனுவில் கோரப்பட்டுள்ளது.
இதையும் படிங்க : உச்ச நீதிமன்றம் நோக்கி எதிர்க்கட்சிகள் பேரணி.. 4 வழக்குகள் பதிவு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
