CM Vijay: பூந்தமல்லி–வடபழனி மெட்ரோ சேவையைத் தொடங்கி வைத்த பிரதமர் நரேந்திர மோடி, முதலமைச்சர் விஜய்யுடன் இணைந்து பயணம் மேற்கொண்டார்.
CM Vijay: பூந்தமல்லி–வடபழனி மெட்ரோ சேவையைத் தொடங்கி வைத்த பிரதமர் நரேந்திர மோடி, முதலமைச்சர் விஜய்யுடன் இணைந்து பயணம் மேற்கொண்டார்.
Published on: October 11, 2026 at 5:51 pm
சென்னை, அக்.11, 2026: சென்னையில் பூந்தமல்லி–வடபழனி இடையிலான மெட்ரோ ரயில் சேவையைப் பிரதமர் நரேந்திர மோடி இன்று (அக்டோபர் 11) கொடியசைத்துத் தொடங்கி வைத்தார். இந்த நிகழ்ச்சியில் தமிழக முதலமைச்சர் சி. ஜோசப் விஜய்யும் பங்கேற்றார். டெல்லியிலிருந்து சென்னை வந்த பிரதமர் மோடியை விமான நிலையத்தில் முதலமைச்சர் விஜய் நேரில் வரவேற்றார். பின்னர் இருவரும் போரூர் மெட்ரோ ரயில் நிலையத்துக்குச் சென்றனர். அங்கு புதிய வழித்தடத்தைத் தொடங்கி வைத்த பிறகு, பிரதமர் மோடியும் முதலமைச்சர் விஜய்யும் ஒரே மெட்ரோ ரயிலில் இணைந்து பயணம் செய்தனர். ரயிலில் இருவரும் அருகருகே அமர்ந்திருந்த காட்சிகள் கவனம் பெற்றன.
சென்னை மெட்ரோ ரயில் திட்டத்தின் இரண்டாம் கட்டத்தின் ஒரு பகுதியாக இந்தப் புதிய வழித்தடம் அமைக்கப்பட்டுள்ளது. சுமார் ₹4,900 கோடி செலவில் உருவாக்கப்பட்டுள்ள பூந்தமல்லி–வடபழனி வழித்தடம், சென்னையின் மேற்குப் பகுதிகளுக்கும் நகரின் பிற பகுதிகளுக்கும் இடையிலான போக்குவரத்து இணைப்பை மேம்படுத்தும் என எதிர்பார்க்கப்படுகிறது. மெட்ரோ ரயிலில் ஏறுவதற்கு முன்பு பிரதமர் மோடி பயணச்சீட்டைப் பெற்றதுடன், முதலமைச்சர் விஜய்யுடன் இணைந்து வழித்தட வரைபடங்களையும் திட்டத்தின் விளக்கக் காட்சிகளையும் பார்வையிட்டார். மெட்ரோ ரயில் அதிகாரிகள் இரண்டாம் கட்டப் பணிகள் மற்றும் புதிய வழித்தடத்தின் சிறப்பம்சங்கள் குறித்து இருவருக்கும் விளக்கமளித்தனர்.
தமிழகத்தில் டிவிகே அரசு பொறுப்பேற்ற பிறகு பிரதமர் மோடி மேற்கொள்ளும் முதல் தமிழகப் பயணம் இது. மெட்ரோ ரயில் சேவைத் தொடக்கத்தைத் தொடர்ந்து, சென்னை ஐஐடியில் உள்ள சுதா கோபாலகிருஷ்ணன் மூளை ஆராய்ச்சி மையத்தைப் பார்வையிடுவது உள்ளிட்ட நிகழ்ச்சிகளில் பிரதமர் பங்கேற்கிறார். மேலும், தமிழகத்தில் சுமார் ₹13,000 கோடி மதிப்பிலான பல்வேறு வளர்ச்சித் திட்டங்களையும் அவர் தொடங்கி வைக்கவும் அடிக்கல் நாட்டவும் திட்டமிடப்பட்டுள்ளது. சாலை, ரயில்வே, துறைமுகம், பெட்ரோலியம் மற்றும் கல்வி உள்ளிட்ட துறைகளைச் சார்ந்த திட்டங்கள் இதில் இடம்பெறுகின்றன.
இதையும் படிங்க : நெற்றியில் திருநீறு, கழுத்தில் மாலை, காவி உடையில் திருவள்ளூர் சிலை.. சென்னையில் பரபரப்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
