உதட்டில் முத்தமிட்ட பெண் ரசிகை.. மனம் திறந்த பிரபல நடிகை

Nikita Rawal: தனது உதட்டில் பெண் ரசிகை ஒருவர் முத்தமிட்ட நிலையில் இது தொடர்பாக விளக்கம் அளித்துள்ளார் நிஜிதா ராவல்.

நிகிதா ராவல்

ByThilahavathy P

Published on: August 13, 2026 at 3:24 pm

மும்பை, ஆக.13, 2026: சமீபத்திய ரெட் கார்பெட் நிகழ்வில் நடிகை நிகிதா ராவல் சங்கடமான சூழலை எதிர்கொண்டார். ஒரு பெண் ரசிகை புகைப்படம் எடுக்க அவரை அணுகியபோது, நிகிதா அதற்கு சம்மதித்தார். ஆனால் புகைப்படம் எடுத்த பிறகு, அந்த ரசிகை திடீரென அவருடைய உதட்டில் முத்தமிட்டதால், சூழல் சங்கடமாக மாறியது. அதிர்ச்சியடைந்த நிகிதா உடனே அங்கிருந்து விலக முயன்றார்; பின்னர் முகத்தைத் தேய்த்துக்கொண்டார்.

இந்தச் சம்பவம் சமூக ஊடகங்களில் பெரும் விவாதத்தை ஏற்படுத்தியது. அதற்கு பதிலளித்த நிகிதா, “நான் எந்தத் தவறும் செய்யவில்லை. மறைப்பதற்கு எதுவும் இல்லை. நான் எப்போதும் உண்மையின் பக்கமே நிற்பேன்,” என்று தனது இன்ஸ்டாகிராம் ஸ்டோரியில் பதிவிட்டார்.

அவருக்கு ஆதரவு தெரிவித்த ரசிகர்களுக்கு நன்றி கூறிய நிகிதா, “அன்பிற்கும் ஆதரவிற்கும் மிக்க நன்றி. அதை நான் மனதார மதிக்கிறேன். நான் சொல்வது சரிதான் என்பதை உங்களுக்குத் தெரியும்,” என்று குறிப்பிட்டார்.

மேலும், “இந்தியா மற்றும் உலகம் முழுவதிலுமிருந்து ஆயிரக்கணக்கான செய்திகள் எனக்கு வந்துள்ளன. என் நலம் விசாரித்தவர்கள், அன்பு செலுத்தியவர்கள், கனிவான வார்த்தைகளைப் பகிர்ந்தவர்கள் மற்றும் எனக்கு ஆதரவாக நின்றவர்கள் அனைவருக்கும் நன்றி. ஒவ்வொரு செய்தியும் எனக்கு முக்கியமானது,” என்று அவர் தெரிவித்தார்.

இந்தச் சம்பவம், பிரபலங்களை அணுகும் ரசிகர்கள் எப்போதும் மரியாதையுடனும், தனிப்பட்ட எல்லைகளை மதிக்கும் விதத்திலும் நடந்து கொள்ள வேண்டும் என்பதற்கான நினைவூட்டலாக அமைந்துள்ளது.

இதையும் படிங்க : நமக்கெல்லாம் மல்லிகா ஷெராவத் கிரஸ்.. அவருக்கு யார் கிரஸ் தெரியுமா?