மேற்கு வங்க எம்.பி நூருல் இஸ்லாம் மரணம்: மம்தா பானர்ஜி இரங்கல்!

West bengal MP Nurul Islam | மேற்கு வங்கத்தின் வடக்கு 24 பர்கானாஸ் மாவட்டத்தில் உள்ள உள்ள அவரது இல்லத்தில் திரிணாமுல் காங்கிரஸ் எம்.பி. ஹாஜி ஷேக் நூருல் இஸ்லாம் இன்று (புதன்கிழமை) காலமானார். அவருக்கு வயது 61.

நீண்ட காலம் புற்றுநோயால் அவதியுற்ற அவர் இன்று காலமானார். நூருல் இஸ்லாம், சமீபத்தில் நடந்து முடிந்த மக்களவைத் தேர்தலில் பாஜகவின் ரேகா பத்ராவை 3.33 லட்சம் வாக்குகள் வித்தியாசத்தில் தோற்கடித்து இருந்தார்.

அவரது மறைவுக்கு இரங்கல் தெரிவித்துள்ள மேற்கு வங்க முதல்வர் மம்தா பானர்ஜி, “ஏழைகளின் மேம்பாட்டிற்காக அயராது உழைத்த நூருல் இஸ்லாம் நினைவுகூரப்படுவார்” எனத் தெரிவித்துள்ளார்.

இந்நிலையில், திரிணாமுல் காங்கிரஸின் தேசிய பொதுச் செயலாளர் அபிஷேக் பானர்ஜி, “எங்கள் மக்களவை எம்பியான பாசிர்ஹாட் ஹாஜி எஸ்கே காலமானார் என்ற செய்தியறிந்து துயருற்றேன். அவரது குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன், அவருடைய ஆன்மா சாந்தியடைய பிரார்த்திக்கிறேன்” எனத் தெரிவித்துள்ளார்.

இதையும் படிங்க :  டாக்டர் பலாத்கார கொலை: பதவி விலக தயார்- மம்தா பானர்ஜி

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்