Rohit Future: இங்கிலாந்துக்கு எதிரான 3-வது மற்றும் கடைசி ஒருநாள் போட்டிக்குப் பிறகு ரோஹித் சர்மா சர்வதேச கிரிக்கெட்டில் இருந்து ஓய்வு பெறுவார் என்ற தகவல்களை பிசிசிஐ திட்டவட்டமாக மறுத்துள்ளது.
Rohit Future: இங்கிலாந்துக்கு எதிரான 3-வது மற்றும் கடைசி ஒருநாள் போட்டிக்குப் பிறகு ரோஹித் சர்மா சர்வதேச கிரிக்கெட்டில் இருந்து ஓய்வு பெறுவார் என்ற தகவல்களை பிசிசிஐ திட்டவட்டமாக மறுத்துள்ளது.
Published on: July 18, 2026 at 4:28 pm
மும்பை, ஜூலை 18 2026: இங்கிலாந்துக்கு எதிரான மூன்றாவது மற்றும் தொடரை தீர்மானிக்கும் கடைசி ஒருநாள் போட்டிக்குப் பிறகு இந்திய அணியின் கேப்டன் ரோஹித் சர்மா சர்வதேச கிரிக்கெட்டில் இருந்து ஓய்வு பெற உள்ளார் என்ற தகவல்கள் அண்மையில் சில ஊடகங்களில் வெளியாகின. இந்த தகவல்களுக்கு இந்திய கிரிக்கெட் கட்டுப்பாட்டு வாரியம் (BCCI) அதிகாரப்பூர்வமாக மறுப்பு தெரிவித்துள்ளது.
இதுகுறித்து பிசிசிஐ செயலாளர் தேவஜித் சைகியா (Devajit Saikia) வெளியிட்ட விளக்கத்தில், லண்டனின் லார்ட்ஸ் மைதானத்தில் நடைபெறவுள்ள மூன்றாவது ஒருநாள் போட்டி ரோஹித் சர்மாவின் கடைசி சர்வதேச போட்டியாக இருக்கும் என்ற தகவல்களில் எந்த உண்மையும் இல்லை என்று தெளிவுபடுத்தினார். இதுபோன்ற விவகாரம் குறித்து பிசிசிஐயில் எந்தவித ஆலோசனையும் நடைபெறவில்லை என்றும் அவர் கூறினார்.
மேலும், ரோஹித் சர்மா தொடர்ந்து இந்திய அணிக்காக விளையாடுவார் என்றும், அவரது எதிர்காலம் குறித்து வெளியாகும் ஊகங்கள் மற்றும் ஆதாரமற்ற தகவல்களை ரசிகர்கள் நம்ப வேண்டாம் என்றும் பிசிசிஐ தரப்பில் வலியுறுத்தப்பட்டுள்ளது. இதன் மூலம் சமூக வலைதளங்களிலும் ஊடகங்களிலும் பரவிய ஓய்வு வதந்திகளுக்கு முற்றுப்புள்ளி வைக்கப்பட்டுள்ளது.
இந்தியா – இங்கிலாந்து அணிகளுக்கு இடையிலான மூன்றாவது மற்றும் கடைசி ஒருநாள் போட்டி நாளை (ஜூலை 19) லண்டனில் உள்ள லார்ட்ஸ் கிரிக்கெட் மைதானத்தில் நடைபெற உள்ளது. இந்தப் போட்டி தொடரின் வெற்றியாளரை தீர்மானிக்கும் முக்கியமான ஆட்டமாக இருப்பதால், ரசிகர்களிடையே மிகுந்த எதிர்பார்ப்பை ஏற்படுத்தி உள்ளது.
இதையும் படிங்க: வெஸ்ட் இண்டீஸ் கிரிக்கெட் ஜாம்பவான் மறைவு.. யார் இந்த சர் கார்பீல்ட் சோபர்ஸ்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
