அமெரிக்க தேர்தலில் சீனா தலையீடு.. டொனால்ட் ட்ரம்ப் குற்றச்சாட்டு!

Donald Trump: அமெரிக்கத் தேர்தல்களில் சீனா தலையிடுவதாக அதிபர் டொனால்ட் டிரம்ப் குற்றம் சாட்டியுள்ளார்.

அமெரிக்க அதிபர் டொனால்ட் ட்ரம்ப்

BySaranya JK

Published on: July 17, 2026 at 2:18 pm

நியூயார்க், ஜூலை 17, 2026: அமெரிக்க அதிபர் டொனால்ட் டிரம்ப், அமெரிக்கத் தேர்தல்களில் தலையிடுவதற்காக சீனா பரந்த அளவிலான நடவடிக்கைகளை மேற்கொண்டு வருவதாக குற்றம் சாட்டியுள்ளார். தனது பதவியை குலைக்கவும், லட்சக்கணக்கான வாக்காளர்களின் விவரங்களைத் திரட்டவும், மறைமுக நடவடிக்கைகளின் மூலம் தங்கள் செயல்களை மூடிமறைக்கவும் பெய்ஜிங் முயன்றதாக அவர் தெரிவித்தார்.

வெள்ளை மாளிகையிலிருந்து நாடு தழுவிய அளவில் ஒளிபரப்பான உரையில், தேர்தல் பாதுகாப்பு தொடர்பான உளவுத்துறை ஆவணங்களை உடனடியாக ரகசியத் தன்மையிலிருந்து விடுவிப்பதாக டிரம்ப் அறிவித்தார். இந்த ஆவணங்கள், அமெரிக்க தேர்தல் கட்டமைப்பில் உள்ள குறைபாடுகளை வெளிப்படுத்துவதாகவும், சீனா பல ஆண்டுகளாக அரசியலில் செல்வாக்கு செலுத்த முயன்றதை விவரிப்பதாகவும் அவர் கூறினார்.

அமெரிக்க வரலாற்றிலேயே மிகப்பெரிய அளவிலான தேர்தல் தரவு மீறலுக்குச் சீன மக்கள் குடியரசுதான் காரணம் என்று டிரம்ப் குறிப்பிட்டார். 18 மாநிலங்களைச் சேர்ந்த கோடிக்கணக்கான வாக்காளர்களின் விவரங்களை சீனா விலைக்கு வாங்கியோ, திருடியோ அல்லது ஹேக்கிங் மூலம் கைப்பற்றியதாகவும், இதை 2020-ஆம் ஆண்டிலேயே உளவுத்துறையினர் அறிந்திருந்ததாகவும் அவர் குற்றம் சாட்டினார்.

ரகசியத் தன்மையிலிருந்து விடுவிக்கப்பட்ட ஆவணங்கள் வெள்ளை மாளிகையின் இணையதளத்தில் வெளியிடப்படும் என்றும், தேர்தல் செயல்முறையில் உள்ள குறைபாடுகளைச் சரிசெய்வதன் மூலம் பொதுமக்களின் நம்பிக்கையை வலுப்படுத்துவதே இதன் நோக்கம் என்றும் டிரம்ப் வலியுறுத்தினார்.

இதையும் படிங்க : அமெரிக்காவில் இந்தியர்கள் சட்டவிரோத குடியேற்றம் கடும் சரிவு.. முழு விவரம்!