ஜனநாயகன் படத்தில் TVK வசனம் நீக்கப்பட்டது ஏன்? படக்குழு விளக்கம்!

Jana Nayagan Dialogue Change Explained : ஜனநாயகன் திரைப்படத்தில் அம்பேத்கர் மற்றும் டி.வி.கே வசனம் நீக்கப்பட்டது ஏன் என்பது குறித்து படக்குழு விளக்கம் அளித்துள்ளது.

ஜனநாயகன் திரைப்பட காட்சி

ByThilahavathy P

Published on: July 17, 2026 at 1:55 pm

சென்னை, ஜூலை 17, 2026: ‘ஜன நாயகன்’ திரைப்படத்தில் இடம்பெற்ற அம்பேத்கர் மற்றும் TVK தொடர்பான வசனம் தணிக்கை வாரியத்தால் மாற்றியமைக்கப்பட்டது. இந்த மாற்றம் குறித்து படக்குழுவினர் விளக்கம் அளித்துள்ளனர்.

இது தொடர்பாக NDTV-யிடம் பேசிய வெங்கடா, “அரசியலமைப்பை நீங்கள் பின்பற்றாவிட்டால் என்ன விளைவு ஏற்படும் என்பது குறித்து மக்கள் எளிதில் புரிந்துகொள்ளும் வகையில் அந்த வசனம் அமைக்கப்பட்டது. இது ஒரு சாதாரண பேச்சு வழக்குதான்; வீட்டில் குழந்தையிடம் விதிமுறையை பின்பற்றாவிட்டால் அதற்கான விளைவைச் சந்திக்க நேரிடும் என்று சொல்வது போன்றது,” என்று குறிப்பிட்டார்.

அவர் மேலும், “அந்த வசனத்தில் சில அரசியல் ரீதியான குறிப்புகள் இருந்ததால், அதை மாற்றுமாறு கேட்டுக்கொள்ளப்பட்டது. நாட்டின் சட்டத்தை நாங்கள் மதிக்கிறோம்; எனவே, அவர்கள் கோரிய இடங்களில் திருத்தங்களைச் செய்தோம்,” என்று விளக்கினார்.

முதலில் இடம்பெற்றிருந்த வசனத்தின் சாராம்சம், “அம்பேத்கர் அவர்களின் அரசியலமைப்பை நீங்கள் பின்பற்றாவிட்டால், தமிழக வெற்றிக் கழகத்தின் அரசியலமைப்பு நடைமுறைக்கு வரும்” என்பதைக் குறிப்பதாக இருந்தது. தணிக்கை வாரியத்தின் ஆலோசனைப்படி அந்த வசனம் மாற்றப்பட்டு, திரைப்படம் திரையிட அனுமதி வழங்கப்பட்டது.

இதையும் படிங்க : 3 இடியட்ஸ் படத்தின் கதாநாயகன் சோனம் வாங்சுக்? அமீர் கான் பரபரப்பு பதில்